+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Ulttyq bank tóraǵasy bazalyq mólsherlemeni 9,5 paıyzǵa kóterý sebebin túsindirdi

2021 jylǵy 14 qyrkúıek 10:56
Bólisińiz:
Ulttyq bank tóraǵasy bazalyq mólsherlemeni 9,5 paıyzǵa kóterý sebebin túsindirdi

NUR-SULTAN. QazAqparat – QR Ulttyq bankiniń tóraǵasy Erbolat Dosaev Úkimet otyrysynda bazalyq mólsherleme nege 9,5%-ǵa kóterilgenin túsindirdi, dep habarlaıdy QazAqparat tilshisi.

«Halyqtyń tabysy men tutynýynyń ósýi ınflıatsııaǵa qarsy qysymnyń qosymsha kózi bolyp otyr. Suranystyń qalpyna kelýin ekinshi toqsanda halyqtyń naqty tabysynyń 1,5% ósýi qaıta jandandyrdy. Ekinshi toqsanda naqty mánde qyzmetkerler jalaqysynyń 10,4%-ke jedeldeýi aıasynda úı sharýashylyqtaryn tutyný kólemi ósip keledi. Osylaısha, ınflıatsııanyń ósý serpini men faktorlary, ekonomıkanyń qalpyna kelý qarqyny jáne sáıkesinshe suranys tarapynan kúsheıip kele jatqan ınflıatsııaǵa qarsy qysymdy eskere otyryp, Ulttyq bank 13 qyrkúıekte bazalyq mólsherlemeni 9,5%-ke deıin 0,25 protsenttik tarmaqqa kóterdi», - dedi Erbolat Dosaev.

Sondaı-aq, Ulttyq bank basshysy eldegi ınflıatsııa turaqty sıpat alyp bara jatqanyn aıtty.

«Qazaqstanda ınflıatsııanyń ósýi barynsha turaqty sıpat alyp otyr. Bıylǵy sáýir men tamyz aralyǵynda jyldyq ınflıatsııa 7,0%-ten 8,7%-ke deıin jyldamdady. Baǵanyń aı saıynǵy ósimi 2008 jyldan beri alǵash ret tamyzda eń joǵary boldy. Maýsymdyq tazartylǵan bazalyq ınflıatsııa, ıaǵnı kókónister men jemister, turǵyn úı-kommýnaldyq sharýashylyǵynyń qyzmetteri men energııa resýrstary baǵasynyń ósýin esepke almaǵandaǵy ınflıatsııa tarıhı ortasha mánderden 25%-ke joǵary boldy jáne ornyqty ınflıatsııalyq protsesterdiń qalyptasýyn kórsete otyryp, 0,75% boldy», - dedi Ulttyq bank tóraǵasy.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT