Ulttyq bank tólem kartochkalarynyń jańa júıesin iske qosty
2022 jylǵy 30 maýsym 15:20

Ulttyq bank tólem kartochkalarynyń jańa júıesin iske qosty

NUR-SULTAN. QazAqparat – Ulttyq bank tólem kartochkalary júıesin keńeıtýde, dep habarlaıdy QazAqparat bankke silteme jasap.

Ulttyq bank tólem kartochkalarynyń bankaralyq júıesin ónerkásiptik paıdalanýǵa qosqanyn habarlaıdy. Bul júıe Qazaqstan aýmaǵynda tólem kartochkalary arqyly jasalatyn bankaralyq tranzaktsııalardy óńdeýge arnalǵan.

«Bul tólem kartochkalary naryǵynyń qaýipsizdigin jáne úzdiksiz jumys isteýin, qazaqstandyq bankter úshin ishki esep aıyrysýlardyń kepildigin qamtamasyz etedi. Júıeni ázirleý Visa, Mastercard jáne UnionPay halyqaralyq tólem júıelerimen jáne tólem kartochkalarynyń naryǵyna qatysýshy banktermen ózara tyǵyz baılanysta júzege asyryldy.

Kartochkalardyń bankararalyq júıesin qurý aıasynda jergilikti kartochkalyq ınfraqurylym jasalyp, tıisti normatıvtik quqyqtyq baza qalyptastyryldy. Sonymen birge qazaqstandyq bankter emıssııalaǵan tólem kartochkalary boıynsha jergilikti operatsııalardy óńdeýdi uıymdastyrý boıynsha halyqaralyq tólem júıelerimen kelisimder jasaldy», - delingen Banktiń habarlamasynda.

Qazirgi ýaqytta bankaralyq júıege tólem kartochkalarymen qyzmet kórsetetin bankter qosylǵan. Bankterdiń jergilikti kartochkalyq tranzaktsııalarynyń trafıgin aýdarý, onyń ishinde bank júıelerin beıimdeý jáne halyqaralyq tólem júıelerimen ózara is-qımyl protsesterin qaıta baptaý boıynsha qajetti jumystar júrgizildi.


Seriktester jańalyqtary

Jańalyqtar

Úrdis

MURAǴAT