+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Ulttyq bank teńge baǵamynyń álsireý sebebin túsindirdi

2021 jylǵy 2 naýryz 16:40
Bólisińiz:
Ulttyq bank teńge baǵamynyń álsireý sebebin túsindirdi

ALMATY. QazAqparat– Ulttyq banktiń monetarlyq operatsııalar departamentiniń dırektory Nurjan Tursynhanov ulttyq valıýtanyń quldyraýyna qandaı faktorlardyń áser etkenin aıtty, dep habarlaıdy QazAqparat tilshisi.

Onyń aıtýynsha, 2 naýryzda bırjalyq saýda-sattyqta ulttyq valıýtanyń aıyrbastaý baǵamy dúısenbi kúngi saýda-sattyqtyń ortasha baǵamynan 2,36 teńgege álsirep, bir dollar 420,40–420,80 teńge aralyǵynda saýdalanýda.

Ótken aptanyń jabylýynan beri teńge 3,2 teńgege nemese 0,8%-ǵa álsiredi.

«Ulttyq valıýtanyń álsireýi úsh basym faktorǵa: OPEK+ otyrysy qarsańynda munaıǵa baǵa belgileýdiń quldyraýyna, álemdik naryqtarda AQSh dollarynyń nyǵaıýyna jáne Qazaqstandaǵy salyq tólemderi kezeńiniń aıaqtalýyna baılanysty boldy. Aptanyń basynan bastap munaıdyń baǵasy ótken aptada qol jetkizgen eń joǵary kórsetkishterden aýytqyp, 5,1%-ǵa tómendedi. Koronavırýsqa qarsy vaktsınalaýdyń ilgerileýi, Saýd Arabııasy tarapynan munaı óndirýdi sáýirge deıin kúnine 1 mln barrelge erikti túrde qysqartý, sondaı-aq AQSh-ta buryn-sońdy bolmaǵan aıazǵa baılanysty munaı óndirýdi májbúrli túrde toqtata turý jyl basynan beri munaı baǵasynyń ósýin qoldaǵanyn esterińizge sala keteıik», -dedi Nurjan Tursynhanov.

Onyń pikirinshe, munaı naryǵyndaǵy qazirgi jaǵdaı aldaǵy ýaqyttaǵy OPEK+ otyrysyna qatysty alańdaýshylyqtyń artýyna baılanysty.

Munaı óndirý boıynsha qazirgi shekteýlerdi birshama jeńildetý týraly sheshim qabyldanady dep kútilýde.

Sarapshylar koalıtsııa munaı óndirýdi kúnine shamamen 0,5 mıllıon barrelge ulǵaıtady dep boljaıdy, al Saýd Arabııa tarapynan erikti shekteýlerdi jalǵastyrý ekitalaı.

Kóktemniń alǵashqy kúninde AQSh pen Eýropanyń qor bırjalary aıtarlyqtaı paıdamen jabyldy.

Senbi kúni AQSh ókilder palatasy ekonomıkaǵa 1,9 trln dollarǵa kómek sharalarynyń toptamasyn bekitti. Prezıdent Baıden demalys kúnderi Senatty tez áreket etýge shaqyrdy.

Paıyzdyq mólsherlemelerdiń kóterilýine qatysty ınvestorlardyń alańdaýshylyǵyn báseńdetip, bir aptaǵa sozylǵan Amerıka memlekettik oblıgatsııalarynyń kiristilik rallıi toqtady.

Osyǵan baılanysty DXY dollar ındeksi 90,1-den 91,2-ge deıin nemese 1,2%-ǵa ósti.

«Sonymen qatar, ótken aptada Qazaqstanda shetel valıýtasyn satýdyń neǵurlym joǵary kólemin boljaıtyn jáne tıisinshe ulttyq valıýtanyń nyǵaıýyna yqpal etetin kezekti salyq kezeńi aıaqtalǵanyn atap ótken jón»,-deıdi Ulttyq bank ókili.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT