Ulttyq bank sáýirde valıýta ınterventsııasyn jasaǵan joq
2022 jylǵy 12 mamyr 10:53

Ulttyq bank sáýirde valıýta ınterventsııasyn jasaǵan joq

NUR-SULTAN. QazAqparat – Sáýir aıynda teńge baǵamyn nyǵaıtý úshin Ulttyq qordan 168,3 mln dollar satylǵan. Bul týraly QR Ulttyq bankiniń tóraǵasy Ǵalymjan Pirmatov Úkimet otyrysynda aıtty, dep habarlaıdy QazAqparat tilshisi.

«Sáýirde jahandyq qarjy naryqtaryndaǵy qubylmalylyqtyń jalǵasýyna qaramastan, teńge baǵamy 1 AQSh dollary úshin 445,62 teńgege deıin nemese 4,6%-ǵa nyǵaıdy. Sáýirde shetel valıýtasyna suranystyń aıtarlyqtaı azaıýy baıqaldy. Qazaqstan qor bırjasyndaǵy saýda-sattyqtyń ortasha kúndik kólemi 179 mln AQSh dollarynan 92 mln AQSh dollaryna deıin azaıdy. Valıýta naryǵyna kvazımemlekettik sektor sýbektileriniń valıýtalyq túsimdi satýǵa qoldaý kórsetti. Olardyń kólemi sáýirde shamamen 253,2 mln AQSh dollaryn qurady. Respýblıkalyq bıýdjetke beriletin transfertterdi qamtamasyz etý úshin sáýirde Ulttyq qordan 168,3 mln AQSh dollary satyldy. Ulttyq qordan satýdyń úlesi saýda-sattyqtyń jalpy kóleminiń 8,7%-yn qurady», - dedi Ulttyq bank basshysy.

Ǵaymjan Pirmatovtyń aıtýyna qaraǵanda, ishki valıýta naryǵyndaǵy jaǵdaı turaqtanǵandyqtan Ulttyq bank sáýir aıynda valıýtalyq ınterventsııalardy júrgizbegen.

«Qysqa merzimdi perspektıvada geosaıası jaǵdaıdyń belgisizdiginen teńgeniń qubylmalylyq táýekeli saqtalady. Ulttyq Bank teńgerimsizdiktiń jınaqtalýyna jol bermeıtin jáne altyn-valıýta rezervteriniń saqtalýyn qamtamasyz etetin erkin baǵam rejımin ustanýdy jalǵastyrady», - dedi Ulttyq bank tóraǵasy.

Buǵan deıin Ulttyq bank teńge baǵamyn turaqtandyrý sharalaryn júrgizip jatqanyn málim etken bolatyn.


Seriktester jańalyqtary

Jańalyqtar

Úrdis

MURAǴAT