+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Ulttyq bank: Inflıatsııa nysanaly dálizden asyp, azyq-túlik qymbattady

2020 jylǵy 14 sáýir 10:45
Bólisińiz:
Ulttyq bank: Inflıatsııa nysanaly dálizden asyp, azyq-túlik qymbattady

NUR-SULTAN. QazAqparat - Naýryzda ınflıatsııa nysanaly dálizden 0,4 paıyzǵa asyp ketti. Bul týraly búgin Úkimet otyrysynda QR Ulttyq bank tóraǵasy Erbolat Dosaev aıtty, dep habarlaıdy QazAqparat tilshisi.

Uqsas jańalyqtar
Almatyda úı mańyndaǵy dúkender áleýmettik mańyzdy taýarlardyń baǵasyn ósiredi Arhımed Muhambetov azyq-túlik baǵasyn turaqtandyrýdy tapsyrdy

«Osy jylǵy naýryzda álemde koronavırýstyq ınfektsııa pandemııasynyń taralýy jáne munaı baǵasynyń eki ese tómendeýi aıasynda Qazaqstan úshin syrtqy jaǵdaılar birshama nasharlady. Bastapqy syrtqy kútilmegen ózgeristiń Qazaqstannyń qarjy naryǵyna áserin shekteý jáne qarjylyq turaqtylyqty qamtamasyz etý úshin bıylǵy 10 naýryzda bazalyq stavka +/-1,5 p.t. paıyzdyq dálizimen 12 paıyzǵa deıin ósti. Syrtqy jaǵdaıdyń kúsheıgen saldarynan qalyptasqan aıyrbastaý baǵamy ımporttyq arna boıynsha baǵaǵa aýysý áseri arqyly proınflıatsııalyq táýekelderdi kúsheıtedi», - dedi ol.

Ulttyq bank tóraǵasynyń aıtýynsha, Qazaqstanda engizilgen tótenshe jaǵdaı kezinde osy jylǵy naýryzda jyldyq ınflıatsııa 2020 jylǵa belgilengen 4-6 paıyz nysanaly dálizden asyp, 6,4 paıyzǵa deıin kóterildi.

«Inflıatsııaǵa negizgi úlesti azyq-túlik taýarlarynyń qymbattaýy qosty. Olardyń ósýi 9,3 paıyzǵa deıin jyldamdady. Mundaı dınamıka, bir jaǵynan, kókónister baǵasynyń naýqandyq ósýinen, al ekinshi jaǵynan karantınniń engizilýine baılanysty tosyn suranystan týyndady. Osy jylǵy naýryzda basqalarǵa qaraǵanda qant – 8,5, kókónister men jemister – 5,1, qaraqumyq jarmasy – 2,5 paıyzǵa qymbattady. Sonyń nátıjesinde osy jylǵy naýryzda azyq-túlik taýarlarynyń aılyq ınflıatsııasy 2017 jyldan bergi barynsha joǵary mánge jetip, 1,7 paıyz boldy», - dedi Erbolat Dosaev.

Onyń dereginshe, azyq-túlikke jatpaıtyn taýar baǵasy jyldyq kórsetýde 5,5 paıyzǵa ósti.

«Aqyly qyzmet baǵasynyń ósý qarqyny retteletin kommýnaldyq qyzmettiń ótken jylǵy tómen bazasy áseriniń aıaqtalýy aıasynda 3,5 paıyzǵa deıin údedi. Kólik, baılanys jáne turǵyn úı-kommýnaldyq sharýashylyqtyń jekelegen qyzmet tarıfteri artty», - dedi ol.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT