+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Ulttyq bank bazalyq mólsherlemeni 9,5%-ǵa deıin tómendetti

2020 jylǵy 3 sáýir 16:11
Bólisińiz:
Ulttyq bank bazalyq mólsherlemeni 9,5%-ǵa deıin tómendetti

ALMATY. QazAqparat - Qazaqstan Respýblıkasynyń Ulttyq banki bazalyq mólsherlemeniń deńgeıin jyldyq 9,5%-ǵa deıin tómendetý jáne paıyzdyq dálizdi +/- 2 paıyzdyq tarmaqqa deıin keńeıtý týraly kezekten tys sheshim qabyldady, dep habarlaıdy QazAqparat.

Ulttyq bank baspasóz qyzmetiniń habarlaýynsha, ótimdilikti berýdegi turaqty qoljetimdi operatsııalar boıynsha mólsherleme 11,5%, ótimdilikti alý boıynsha turaqty qoljetimdi operatsııalar boıynsha7,5% boldy. Osy sheshim 2020 jylǵy 6 sáýirden bastap kúshine enedi.

«Munaı baǵasynyń eki ese quldyraýy, OPEC+ kelisimine qatysty budan bylaıǵy perspektıvalardyń belgisizdigi jáne COVID-19 koronavırýsynyń pandemııasy aıasynda 2020 jylǵy naýryzda qabyldaǵan Ulttyq banktiń bazalyq mólsherlemeni 12,0%-ǵa deıin arttyrý jáne teńgeniń aıyrbastaý baǵamyn tepe-teń deńgeıde qalyptastyrý týraly sheshimderi ınflıatsııalyq kútýlerdi turaqtandyrýǵa jáne syrtqy kútpegen ózgerister yqpalynyń qarjy naryǵyna taralýyn shekteýge baǵyttaldy», delingen habarlamada.

Syrtqy kútpegen ózgerister yqpalynyń teris saldaryn jeńildetý úshin Qazaqstan Respýblıkasynyń Prezıdenti Q.K. Toqaev eldiń áleýmettik-ekonomıkalyq turaqtylyǵyn qamtamasyz etý boıynsha 4,4 trln teńge kóleminde daǵdarysqa qarsy sharalardyń 2 toptamasyna bastama jasady. Osy bastamalardy iske asyrý úshin Qazaqstan Úkimeti bıýdjet saıasatynyń negizgi parametrlerin qaıta qarap, daǵdarysqa qarsy sharalardy qarjylandyrýǵa qomaqty shyǵystar kózdedi. Osyǵan baılanysty Ulttyq bank bazalyq mólsherlemeni aǵymdaǵy deńgeıde budan ári uzaq ustap turý ekonomıkalyq belsendilikke shekteý áserin kórsetýi múmkin dep sanaıdy.

«Soǵan qaramastan, COVID-19 koronavırýsy pandemııasynyń keńeıýine negizdelgen syrtqy sektor tarapynan suranys pen usynystyń bir ýaqyttaǵy kútpegen ózgeristeri jáne munaı baǵasynyń kóp jylǵy mınımýmǵa deıin kúrt tómendeýi, sondaı-aq ishki usynystyń shektelýi ınflıatsııa deńgeıin arttyrýǵa alyp keldi. 2020 jylǵy naýryzdyń qorytyndysy boıynsha ınflıatsııa jyldyq kórsetýde belgilengen 4-6% nysanaly dálizden asyp, 6,4% boldy. Aǵymdaǵy jyldyń qorytyndysy boıynsha jyldyq ınflıatsııa 2021 jyly keıinnen báseńdeı otyryp, 9-11% sheginde qalyptasady dep kútemiz. Ulttyq Banktiń baǵalaýy qazirgi jaǵdaılar saqtalǵan kezde aǵymdaǵy jyly ekonomıkalyq ósý teris bolatynyn kórsetip otyr», delingen habarlamada.

Bul sheshim Ulttyq banktiń qarjylyq turaqtylyqty qamtamasyz etýge, bizdiń ekonomıka úshin táýekelderdi shekteýge jáne ony syrtqy jáne ishki ortanyń ózgergen jaǵdaılaryna beıimdeýge baǵyttalǵan birqatar sharalarynyń biri bolyp tabylady. «Qarapaıym zattar ekonomıkasy» baǵdarlamasyn 1 trln teńgege deıin keńeıtýdi jáne 600 mlrd teńge somasyna Shaǵyn jáne orta kásipkerlik sýbektilerin jeńildikpen kredıtteý baǵdarlamasyn qabyldaýdy qosa alǵanda, Ulttyq banktiń basqa sharalarymen birge bazalyq mólsherlemeni tómendetýi koronavırýs saldarynyń Qazaqstan ekonomıkasyna áserin jeńildetýge múmkindik beredi jáne ekonomıkalyq belsendilikke qoldaý kórsetedi.

Ulttyq bank syrtqy jáne ishki jaǵdaıǵa úzdiksiz monıtorıng júrgizip otyrady jáne qajet bolǵanda óziniń monetarlyq saıasatyn ıkemdep túzetip otyrady.

QR Ulttyq bankiniń bazalyq mólsherleme boıynsha kezekti josparly sheshimi 2020 jylǵy 27 sáýirde Nur-Sultan qalasynyń ýaqyty boıynsha saǵat
15:00-de jarııalanatyn bolady.


Bizdiń kanalymyzǵa jazylyńyz:

Basty sózder: QR Ulttyq banki, Ekonomıka,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT