+7 (701) 759 90 19
USD 378.60 EUR 417.75
RUB 6.13 CNY 54.58
Jańalyqtar

Ulttyq bank bazalyq mólsherlemeni 9,25% deńgeıde saqtady

2019 jylǵy 9 jeltoqsan 15:32
Bólisińiz:
Ulttyq bank bazalyq mólsherlemeni 9,25% deńgeıde saqtady

NUR-SULTAN. QazAqparat – QR Ulttyq banki paıyzdyq dálizdi +/- 1 p.t. deńgeıinde saqtaı otyryp, bazalyq mólsherlemeni jyldyq 9,25% deńgeıde saqtaý týraly sheshim qabyldady, dep habarlaıdy QazAqparat QR UB baspasóz qyzmetine silteme jasap.

Uqsas jańalyqtar

«Jyldyq ınflıatsııa Ulttyq banktiń kútkeninen tómen qalyptasýda. Naqty JІÓ-niń ósý qarqyny birtindep údeýde. Bazalyq mólsherleme boıynsha aǵymdaǵy sheshimdi eskere ınflıatsııa 2019-2020 jyldarǵa arnalǵan 4-6% nysanaly dáliz sheginde qalyptasady.

Bazalyq mólsherleme boıynsha budan keıingi sheshimder naqty ınflıatsııa deńgeıin jáne onyń nysanaly baǵdarlarǵa sáıkestigin aıqyndaıtyn ishki jáne syrtqy táýekelderdiń teńgerimine qaraı qabyldanatyn bolady», delingen habarlamada.

Ulttyq banktiń málimdeýinshe, jyldyq ınflıatsııa 2019 jylǵy qarashada 5,4% boldy (qazanda – 5,5%) jáne mamyr-qarashada 5,3-5,5%-dyq tar dálizde turaqty deńgeıde qalyp otyr. Azyq-túlik taýarlarynyń baǵasy ınflıatsııaǵa eń kóp úles qosýyn jalǵastyrýda, ol qazannyń deńgeıinde turaqtanyp, 9,7%-dy qurady. Et, nan-toqash ónimderi men jarma baǵasynyń ósýi azyq-túlik ınflıatsııasynyń negizgi sebebi bolyp otyr, olar tıisinshe 13,4%-ǵa jáne 15,5%-ǵa qymbattady. Azyq-túlikke jatpaıtyn taýarlar baǵasy ósýiniń 4,8%-ǵa deıin jáne aqyly qyzmetterdiń 0,6%-ǵa deıin baıaýlaýy ınflıatsııaǵa tejeýshi yqpal etýde.

Halyqtyń ınflıatsııalyq kútýleri bıyl qarasha aıynda azyq-túlik taýarlary baǵasynyń neǵurlym joǵary ósýiniń aıasynda 5,8%-ǵa deıin (2019 jylǵy qazanda 5,6%) azdap kóterildi. Halyq arasynda júrgizilgen sońǵy pikirterim nátıjeleri boıynsha kelesi 12 aıda baǵalardyń qazirgi ósý qarqynynyń saqtalýyn nemese onyń baıaýlaýyn kútetin respondentter úlesi 54,7%-dy qurady (qazanda 56,4%).

«Tutynýshylyq suranystyń keńeıýi jáne ekonomıkalyq belsendilik ósýiniń qarqyn alýy negizgi proınflıatsııalyq faktorlar bolyp qalýda. Halyqtyń naqty aqshalaı kiristeriniń ósýi 2019 jylǵy qańtar-qyrkúıekte 6,4% boldy. Úshinshi toqsanda naqty jalaqy 12%-ǵa deıin ósti, bul rette mundaı ósý ekonomıkanyń barlyq sektorlarynda baıqalady. Úı sharýashylyqtaryn tutynýyna ótken jylmen salystyrǵanda áleýmettik qoldaýǵa jáne jalaqyǵa jumsalǵan bıýdjet shyǵystarynyń, sondaı-aq tutynýshylyq kredıtteýdiń ósý qarqynynyń joǵary bolýy (qazanda jyldyq kórsetkish boıynsha 23,8%) qoldaý kórsetýde.

Bıylǵy qańtar-qazan aıynda qysqa merzimdi ekonomıkalyq ındıkator jyldyq kórsetkish boıynsha 4,7%-ǵa ulǵaıdy. Qurylys 12,7%-ǵa, saýda – 7,5%-ǵa, kólik – 5,6%-ǵa, taý-ken óndirý jáne óńdeýshi ónerkásibi tıisinshe 3,7%-ǵa jáne 3,3%-ǵa oń úles qosty. 2019 jylǵy qańtar-qazanda ınvestıtsııalardyń keńeıýi 8,2%-dy qurady. Ulttyq banktiń baǵalaýynsha ІJÓ-niń naqty ósýi 2019 jyly 4,2% bolady», delingen habarlamada.

Ulttyq bank ekonomıkanyń ósýin 2019 jyly 4,2%-ǵa, 2020 jyly 3,8%-ǵa baǵalaıdy. Halyqtyń naqty aqshalaı kirisiniń ulǵaıýy aıasynda tutynýshylyq suranystyń ósýi, ınfraqurylymdyq jáne ınvestıtsııalyq jobalardy iske asyrý nátıjesinde ınvestıtsııalyq suranystyń artýy, munaı jáne gaz kondensatynyń kólemin ósirý saldarynan eksporttyń ulǵaıýy negizgi faktorlar bolady.

Syrtqy sektor faktorlarynyń áseri salystyrmaly túrde beıtarap sıpatta. Brent markaly munaıdyń baǵasy bazalyq stsenarııde salynǵannan azdap joǵary deńgeıde saqtalýda. Bıylǵy jylǵy 11 aıda ol ortasha alǵanda bir barrel úshin 64,1 AQSh dollaryn qurady (2018 jylǵy 11 aıda – bir barrel 72,9 AQSh dollary). 2020 jyly munaı baǵasy álemdik ekonomıkanyń álsiz damýy aıasynda aǵymdaǵy deńgeılerge jaqyn qalyptasatyn bolady. FAO azyq-túlik baǵalary ındeksi qarashada 9,5%-ǵa ulǵaıdy, bul sút ónimderi, et jáne ósimdik maıy baǵasynyń ulǵaıýymen túsindiriledi. Qorlarynyń azaıýy aıasynda dándi-daqyldardy tutynýdyń ulǵaıýy nátıjesinde olardyń álemdik baǵasy qalypty túrde ósedi dep kútiledi.

Syrtqy monetarlyq jaǵdaılar ınflıatsııalyq aıanyń jumsarýyna yqpal etýde. Ortalyq bankterdiń paıyzdyq mólsherlemelerdi tómendetý jáne túrli yntalandyrý sharalaryn keńeıtý saıasaty jalǵasýda. Reseıde ınflıatsııanyń baıaýlaýy jáne EO elderinde tutynýshylyq baǵanyń qalypty ósý qarqynynyń saqtalýy aıasynda saýda áriptes elderdegi ınflıatsııa Qazaqstanda ishki baǵalarǵa dezınflıatsııalyq yqpal etýde.

«2019 jyldyń sońynda jyldyq ınflıatsııa 4-6% nysanaly dáliz sheginde 2020 jyldyń sońyna qaraı 5,0-5,5%-ǵa deıin baıaýlaı otyryp, 5,5-5,7% aralyǵynda bolady dep boljanady. 2020 jylǵy birinshi toqsanda qysqa merzimdi sıpattaǵy proınflıatsııalyq táýekelder iske asyrylýy jáne ınflıatsııa nysanaly dálizdiń joǵary sheginiń deńgeıine deıin ósýi múmkin. Bul halyqqa kórsetiletin aqyly qyzmetterdiń rettelmeli tarıfteriniń, sondaı-aq jekelegen azyq-túlik ónimderi baǵasynyń ósýimen baılanysty. Ekonomıkany fıskaldyq yntalandyrýdy odan ári jalǵastyrý jáne Ulttyq bank oń bolady dep baǵalaıtyn shyǵarylym aıyrmasy orta merzimdi perspektıvada 2020 jylǵy ınflıatsııa serpinin aıqyndaıtyn negizgi faktorlar bolyp qala beredi», delingen habarlamada.

UB málimetinshe, aǵymdaǵy aqsha-kredıt talaptary álsiz tejeýshi retinde baǵalanady, bul tólem balansy aǵymdaǵy shotynyń keńeıip jatqan tapshylyǵynyń ınflıatsııalyq jáne baǵamdyq kútýlerine yqpal etýdi shekteý jónindegi aldyn alý sharalaryn qabyldaý qajettiligimen baılanysty.

QR Ulttyq bank bazalyq mólsherleme boıynsha kezekti sheshimdi 2020 jyly 3 aqpanda Nur-Sultan qalasynyń ýaqytymen saǵat 15:00-de jarııalaıdy.

Bizdiń kanalymyzǵa jazylyńyz:

Basty sózder: QR Ulttyq banki,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT