+7 (701) 759 90 19
USD 430.51 EUR 505.72
RUB 5.51 CNY 64.14
Jańalyqtar

Ulttyq bank altynnyń nelikten arzandap jatqanyn túsindirdi

2020 jylǵy 24 qyrkúıek 10:21
Bólisińiz:
Ulttyq bank altynnyń nelikten arzandap jatqanyn túsindirdi

NUR-SULTAN. QazAqparat – Ulttyq banktiń monetarlyq operatsııa departamentiniń dırektory Nurjan Tursynhanov altyn naryǵyndaǵy jaǵdaıdy túsindirdi, dep habarlaıdy QazAqparat tilshisi.

Keıingi eki aıda birinshi ret altynnyń baǵasy troı ýntsııasyna 1900 dollardan tómen túsip ketti. Ulttyq banktiń monetarlyq operatsııa departamentiniń dırektory Nurjan Tursynhanov sary metall naryǵyndaǵy jaǵdaıdy túsindirip, bul jaǵdaı Ulttyq banktiń rezervine qalaı áser etetinin aıtyp ótti.

«23 qyrkúıekte altynnyń baǵasy troı ýntsııasyna 1865 dollar deńgeıinen tómen túsip ketti. Bul – qyrkúıektiń basyndaǵy baǵaǵa qaraǵanda 100 dollarǵa nemese 5 paıyzǵa az. AQSh tarapyndaǵy oń ekonomıkalyq málimetter, Eýroodaq pen Ulybrıtanııa elderindegi koronavırýs juqtyrǵan azamattar kóbeıedi-aý degen úreı, sonymen birge Chıkago federaldyq rezerv banki basshysynyń AQSh-ta ınflıatsııa 2 paıyzdyq ortasha deńgeıge jetkenshe stavkany kóterý týraly pikiri – dollardyń ındeksin segiz aptalyq maksımýmǵa ıtermeledi. AQSh-ta dollardyń kúsheıýi álem naryqtarynda altynnyń tartymdylyǵyn tómendetti. Altynnyń baǵasy osy jyldyń shilde aıynan bergi mınımýmdy kórsetip tur», - deıdi ol.

Onyń aıtýynsha, COVID-19 jahandyq pandemııasy men damyǵan elderdiń ortalyq bankteriniń oǵan jaýap retindegi monetarlyq saıasaty bıyl altynnyń baǵasyna edáýir áser etken. Al altynnyń baǵasy tamyz aıynda tarıhı maksımýmdy kórsetip, jyl basynan beri 36 paıyzǵa qymbattaǵan. Qazirgi baǵanyń korrektsııasyna qaramastan altyn ınvestıtsııalyq aktıv retinde jyl basynan beri 24 paıyzdyq ósimdi kórsetip, kósh bastap tur.

«Altyn baǵasynyń keıingi kúnderdegi ala-qulalyǵy aıdyń qorytyndysy boıynsha Ulttyq banktiń altyn valıýta rezerviniń qaıta baǵalanýyna áser etýi múmkin», - dedi Nurjan Tursynhanov.

Qazirgi ýaqytta COVID-19 indetiniń ekinshi tolqynynyń qaýpi saqtalyp tur. AQSh pen Qytaı arasyndaǵy saıası teketires, AQSh-ta saılaýdyń jaqyndaýy – baǵanyń týrbýlenttigine ákelýi yqtımal. Altyn dástúrli túrde strategııalyq ınvestıtsııa bolyp qala beredi.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT