+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Ulttar lıgasy: Qazaqstan Lıtvadan jeńilip qaldy

2020 jylǵy 18 qarasha 23:04
Bólisińiz:
Ulttar lıgasy: Qazaqstan Lıtvadan jeńilip qaldy

NUR-SULTAN. QazAqparat - UEFA Ulttar lıgasyndaǵy Qazaqstan men Lıtva quramalary arasyndaǵy kezdesý aıaqtaldy, dep habarlaıdy QazAqparat tilshisi.

Uqsas jańalyqtar
Fýtzaldan chempıondar lıgasy: «Qaırat» Rýmynııa chempıonyna qarsylas atandy Fýtbol: «Aqjaıyq» Antalııada oqý-jattyǵý jıynyn bastady Fýtbol: «Ordabasy» klýbyna bas bapker taǵaıyndaldy

Búgingi kezdesý qos qurama úshin de mańyzy zor boldy. Jeńgeni óz tobynda úshinshi orynǵa turaqtap, aldaǵy ýaqytta S lıgasynda oınaý múmkindigin saqtap qalatyn edi. Jeńilgeni dúbirli dodanyń kelesi jarysynda D lıgasyna tómendeıtin qos quramanyń qataryna qosylýy múmkin. Aıta ketelik, S lıgasynda óz tobynda tórtinshi oryndy mise tutqan tórt qurama jerebe arqyly eki jup quraıdy. Bul juptarda jeńilgeni tómengi lıgaǵa túsip qalady.

Oıyn qazaqstandyqtar úshin sátti bastalǵan edi. Kezdesýdiń 38-mınýtynda qazaqstandyq shabýylshy Abat Aıymbetov esep ashty. Al 40-mınýtta oǵan lıtvalyq Modestas Vorobevas bir golmen jaýap qaıyrdy. Esep 1:1. Birinshi kezeń osy eseppen aıaqtaldy.

Ekinshi kezeńde alań ıeleri taǵy da gol soǵýǵa umtyldy. Degenmen kózdegen maqsatyna jete alǵan joq. Esesine 94-mınýtta lıtvalyq Arvıdas Novıkovas qorytyndy esepti belgiledi. Qazaqstan quramasy qarsylasynan 1:2 esebimen jeńilip qaldy.

Esterińizge sala ketelik, eki qurama S lıgasy tórtinshi tobynda synǵa túsedi. Olardan ózge Albanııa jáne Belarýs quramalary bar. Sońǵy eki qurama da dál qazir oıyn ótkizip, albanııalyq fýtbolshylar 3:2 esebimen jeńiske jetti.

Qorytyndy týrnır kestesinde 11 upaımen kósh bastap, aldaǵy ýaqytta V lıgasynda baq synaýǵa joldama aldy. Odan keıingi oryndardaǵy Belarýstiń 10, Lıtvanyń 8 upaıy bar. Sońǵy oryndaǵy Qazaqstan enshisinde 4 upaı jazylǵan.

S lıgasynda bıyl Kıpr, Estonııa, Moldova quramalary da tórtinshi oryn aldy.

Budan buryn Qazaqstan quramasy Albanııadan 1:3 esebimen jeńilip qaldy.


Bizdiń kanalymyzǵa jazylyńyz:

#Sport  
Bólisińiz:

Avtor:

Ádiljan Úmbet

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT