Ult bolashaǵyn oılaıtyn urpaǵymyz úshin qýandym – oraldyq ǵalym
2022 jylǵy 5 maýsym 15:39

Ult bolashaǵyn oılaıtyn urpaǵymyz úshin qýandym – oraldyq ǵalym

ORAL. QazAqparat – Búgingi referendýmda daýys bergender arasynda jastar da az bolǵan joq. Otanshyl, ult bolashaǵyn oılaıtyn urpaǵymyzdyń ósip kele jatqanyna qýandym. M. Ótemisov atyndaǵy Batys Qazaqstan ýnıversıtetiniń aǵa oqytýshysy Turar Shaıhıev áserimen bólisti, dep habarlaıdy QazAqparat tilshisi.

Oral qalasyndaǵy №448 referendým ýchaskesinde daýys bergen ǵalym adamdardyń kóterińki kóńil kúıde kelip jatqandyǵyn jetkizdi. Onyń aıtýynsha, birneshe tanysy kezdesip, pikir almasyp úlgergen.

«Búgin kún raıy da jaqsy boldy. Daýys berýge 15 jastaǵy ulymdy ertip bardym. Bolashaqta saılaýlarǵa qatysatyn Qazaqstan azamaty retinde kózi úırene bersin degen nıet boldy. Onyń da el bolashaǵy týraly pikiri bar. Urpaǵymyz osyndaı otanshyl, ultjandy bolyp ósse, sodan artyq qandaı qýanysh bolýy múmkin. Eń bastysy, elimizdiń erteńi jarqyn bolsa eken!» - deıdi Turar Shaıhıev.

Eske sala keteıik, budan buryn batysqazaqstandyq ǵalymnyń halyqtyń emin-erkin óz tańdaýyn jasap jatqany týraly aıtqanyn jazǵan bolatynbyz.

Sondaı-aq, Ulttyq ulannyń 18-ge tolǵan sarbazdary referendýmda daýys berdi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT