+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

Úlken Almaty aınalma joly qalaı salynyp jatyr

2021 jylǵy 27 shilde 18:33
Bólisińiz:
Úlken Almaty aınalma joly qalaı salynyp jatyr

ALMATY. QazAqparat – Búginde Úlken Almaty aınalma avtomobıl jolynyń qurylysy qyzý júrip jatyr. 2019 jyly bastalǵan joba jospar boıynsha 2024 jyly paıdalanýǵa berilýi tıis. «Ortalyq-Ońtústik» dálizi jobasy aıasynda salynyp jatqan atalǵan jol qurylysynyń salyný barysymen «BAKAD Investıtsııalar men operatsııalar» JShS dırektory Aıman Januzaqova tanystyrdy, dep habarlaıdy QazAqparat tilshisi.

Uqsas jańalyqtar

«Aınalma joldyń uzyndyǵy 66 shaqyrymdy quraıdy. Onyń qurylysy 2019 jyly bastalyp, qazir qyzý jumys júrip jatyr. 66 shaqyrym avtomobıl jolynyń 13 shaqyrymy 4 jolaqty, qalǵany 6 jolaqty bolady. Tasjol 1 dárejeli bolmaq jáne onda saǵatyna 150 shaqyrym jyldamdyqpen júrýge bolady. Jalpy bul jerde 8 baǵyt boıynsha aınalma jol bir-birimen baılanysady jáne ol ózara 38 kópirdi jalǵaıdy. Kelisimshart pen jobanyń josparyna sáıkes, biz 2024 jyly aıaqtaýymyz kerek, degenmen jumysty erte bastaǵandyqtan negizgi jumystardy ýaqytanan buryn 2022 jyly aıaqtap, 2023 jyly paıdalanýǵa berýdi josparlap otyrmyz. Jáne jol aqyly bolady», - dedi Aıman Januzaqova.

Onyń aıtýynsha, atalǵan kompanııa Úlken Almaty avtomobıl jolynyń sapasy men kútimine 16 jyl boıy jaýapty bolady.

Óz kezeginde «QazAvtoJol» ulttyq kompanııasy AQ Almaty oblystyq fılıalynyń dırektorynyń mindetin atqarýshy Bolatbek Aıtbaev ÚAAAJ memlekettik mańyzdy joba ekenin jáne qurylys barysymen Úkimet basshysynyń ózi kelip tanysqanyn aıtty.

«Úlken Almaty aınalma avtomobıl joly (ÚAAAJ) birinshiden, kólik keptelisi máselesin azaıtady, ekinshiden qalanyń basqa óńirlermen qarym-qatynasy úshin mańyzdy. Aınalma jol Almaty qalasymen qatar, oblystyń Qarasaı, Іle jáne Talǵar aýdandaryn baılanystyrady. Jobany ýaqytynan buryn aıaqtap, 2023 jyly halyq ıgiligine beremiz dep kózdep otyrmyz», - deıdi B. Aıtbaev.

Óńirlik «QazAvtoJol» basshysynyń sózine sensek, búginde Almaty oblysynda 725 myń shaqyrym jol salynyp nemese kúrdeli jóndeý jasalyp jatyr. Jáne óńirdegi kólik jolynyń 80 paıyzy qanaǵattanarlyq deńgeıde.


«Halyq tarapynan kóbinese Taldyqorǵan, Óskemenge aparatyn avtomobıl joldarynyń nasharlyǵyna qatysty narazylyqtar kelip túsip jatady. Sebebi atalǵan aımaqtarda jol jóndeý jumystary júrip jatyr ıaǵnı aınalma jol kóp kezdesedi. Osy oraıda jolaýshylarǵa kederginiń ýaqytsha ekenin, jol qurylysy bitken soń, olqylyqtardyń joıylatynyn aıta ketkim keledi», - deıdi ol.

Buǵan deıin B. Aıtbaev «Altyn orda» bazary mańyndaǵy joldyń qashan paıdalanýǵa beriletinin aıtqan edi.

Odan bólek, fılıal basshysy Shamalǵanda temirjol kópiri salynyp jatqanynan habardar etti.

Aıta keteıik, «QazAvtoJol» ulttyq kompanııasy AQ «Ortalyq-Ońtústik» baǵytyndaǵy Nur-Sultan – Qaraǵandy – Balqash - Prıozersk – Býrylbaıtal - Shý – Almaty aımaqtaryndaǵy joldardyń salyný barysyn tanystyryp, kórsetý maqsatynda baspasóz týryn uıymdastyrdy.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT