Ýkraınanyń bor ázirleý dástúri ıÝNESKO tizimine engizildi
2022 jylǵy 2 shilde 21:47

Ýkraınanyń bor ázirleý dástúri ıÝNESKO tizimine engizildi

NUR-SULTAN. QazAqparat – Ýkraınanyń bor ázirleý dástúri ıÝNESKO-nyń materıaldyq emes mádenı muralar tizimine engizildi, dep habarlaıdy QazAqparat Uıymnyń resmı saıtyna silteme jasap.

Bul sheshimdi ıÝNESKO Konventsııasyna múshe-memleketterdiń ókilderi kiretin Materıaldyq emes muralardy qorǵaý jónindegi úkimetaralyq komıtet qabyldady.

Komıtettiń atap kórsetýinshe, «eldegi jaǵdaı bul elementtiń ómirsheńdigine qaýip tóndirip tur. Sebebi, adamdardyń borke qajetti jemisterdi ósirip, ony ázirleýge múmkindigi joq. Dástúrdi jalǵastyrý úshin birge jınala almaı da qaldy».

Ýkraına bory 2020 jyly eldiń materıaldyq emes mádenı muralary tizimindegi elementter qataryna qosylǵan. Al, Uıymnyń reprezentatıvtik tizimine engizý máselesi Komıtet otyrysynda 2023 jyly qaralýy kerek bolǵan. Alaıda, Ýkraına tarapy Komıtettiń múshe-memleketterine máseleni jedel qaraý jóninde ótinish túsirgen.

Uıym saıtyndaǵy aqparatqa sáıkes, atalǵan tizimge engizilýi bor ázirleýdiń ýkraındyqtar arasynda áleýmettik jáne mádenı mańyzdylyǵy baryn kórsetkenimen, bul muraǵa menshik ıeligi týraly quqyq bermeıdi.

Jalpy, ıÝNESKO-nyń materıaldyq emes mádenı muralar tizimine 2013 jyldan beri Ýkraınadan tórt element engizilgen.

Osy jylǵy sáýirde ıÝNESKO Ýkraınanyń mádenı murasyna qaýip tónip turǵanyn aıtyp, dabyl qaqqan edi.

Aıta ketsek, bıyl Qazaqstannyń ıÝNESKO-ǵa múshe bolǵanyna 30 jyl . Elimiz UNESCO (United Nations Educational, Scientific and Cultural Organization) quramyna 164-memleket bolyp qosylǵan.

Sondaı-aq, jýyrda ǵana QR Mádenıet jáne sport mınıstrliginiń baspasóz qyzmeti QazAqparat tilshisine qazaqtyń ulttyq bıi – «Orteke» ıÝNESKO tizimine engiziletinin habarlaǵan bolatyn.


Uqsas jańalyqtar

Jańalyqtar

Úrdis

MURAǴAT