Ýkraınada «Abaı úıi» qazaq mádenı-iskerlik úıi ashyldy

NUR-SULTAN. QazAqparat - «Otandastar qory» KeAQ pen «Dúnıejúzi qazaqtary qaýymdastyǵy» RQB birlesip, QR Aqparat jáne qoǵamdyq damý, QR Syrtqy ister mınıstrlikteriniń qoldaýymen onlaın-formatta Kıev qalasynda (Ýkraına) «Abaı úıi» qazaq mádenı-iskerlik úıin saltanatty túrde ashty, dep habarlaıdy QazAqparat.

​Іs-sharaǵa QR Ýkraınadaǵy Tótenshe jáne Ókiletti Elshisi Darhan Kaletaev, «Otandastar qory» KeAQ, Dúnıejúzi qazaqtary qaýymdastyǵy, Ýkraınadaǵy qazaq qaýymynyń ókilderi jáne t. b. qatysty.

Іs-shara aıasynda «Abaı úıi» qazaq mádenı-iskerlik úıiniń tusaýkeseri ótip, Ýkraınadaǵy qazaq qoǵamdastyǵynyń mádenı, iskerlik jáne bilim berý qyzmetin qoldaýǵa baǵyttalǵan birlesken jobalardy iske asyrý máseleleri talqylandy.

«Otandastar qory» KeAQ «Abaı úıi» qazaq mádenı-iskerlik úıleri buǵan deıin Omby (Reseı), Tashkent (Ózbekstan), Stambýl (Túrkııa) jáne Germanııa (Berlın) qalalarynda ashyldy.