Ýkraına men Moldova Eýroodaqqa úmitker elder mártebesin  aldy
2022 jylǵy 24 maýsym 08:28

Ýkraına men Moldova Eýroodaqqa úmitker elder mártebesin aldy

NUR-SULTAN. QazAqparat – Brıýsselde ótken Eýropa odaǵy sammıti Ýkraına men Moldovaǵa odaq músheligine kandıdat statýsyn berý týraly sheshim qabyldady, dep habarlaıdy QazAqparat euronews aqparat agenttigine silteme jasap.

Burynǵy keńestik eki respýblıkanyń EO músheligine ótinimderi rekordtyq qarqynmen qaraldy. Eýroodaq tóraǵasy bul elderdiń Eýropalyq Odaqtaǵy krıterıılerge saı bolý úshin úlken ózgerister jasap, kemshilikterdi túzetý kerek ekenin eskertti.

Sammıtte sóz sóılegen Frantsııa prezıdentti Emmanýel Makron Odaqtyń Ýkraınaǵa praktıkalyq kómek kórsetkenin atap ótti.

«Biz jyldam, tarıhı mańyzdy jáne birtutas sheshimder qabyldadyq. Ýkraınaǵa makroekonomıkalyq, áskerı, qarjylyq qoldaý kórsettik, endi osy saıası qımylmen qoldaý bildirýdemiz», - dedi Frantsııa prezıdentti Emmanýel Makron.

Eske sala ketsek, buǵan deıin Eýroodaqtyń Kıevke kandıdat mártebesin bergisi keletini týraly habarlanǵan.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT