Ýkraına astyǵy: QTJ kemeni jalǵa alýshydan mán-jaıdy jedel ári egjeı-tegjeıli túsindirýdi surady
2022 jylǵy 2 shilde 15:48

Ýkraına astyǵy: QTJ kemeni jalǵa alýshydan mán-jaıdy jedel ári egjeı-tegjeıli túsindirýdi surady

NUR-SULTAN. QazAqparat – «Qazaqstan temir joly» ulttyq kompanııasy qazaqstandyq «Jibek joly» kemesiniń Ýkraına astyǵyn tasymaldaǵany týraly aqparatqa qatysty qosymsha málimdeme jasady, dep habarlaıdy QazAqparat.

«Keshe BAQ Ýkraına Bas prokýratýrasy júk kemesin ustap, qamaýǵa alý jóninde Túrkııaǵa suraý salǵanyn habarlady. Bul ótinishtiń naqtylyǵyn Ýkraınanyń ýákiletti memlekettik organdary tekseredi. Eki eldiń elshilerimen belsendi konsýltatsııalar júrgizilip jatyr. Buryn habarlanǵanyndaı, astyq satý mámilesi estonııalyq Mangelbert OU kompanııasy men túrik tarapy arasynda júrgizilgen. Eýropada tirkelgen kompanııa mámileniń zańdy ekenin málimdep otyr. Jaǵdaıdy túsindirý jáne halyqaralyq quqyq buzýshylyqtardy boldyrmaý maqsatynda QTJ kemeni jalǵa alýshyǵa barlyq rastaýshy qujattardy (kelisimsharttar, kýálikter jáne t.b.) qosa bere otyryp, mán-jaıdy jedel túrde egjeı-tegjeıli túsindirýdi surap hat joldady. QTJ halyqaralyq quqyq normalaryn saqtaýǵa mindetti ekenin rastaıdy», - delingen «Qazaqstan temir joly» UK» AQ Baspasóz qyzmeti taratqan málimdemede.

Buǵan deıin de kompanııa qazaqstandyq «Jibek joly» kemesimen Ýkraınadan astyq eksporttalyp jatqanyna qatysty pikir bildirgen bolatyn.


Foto: railways.kz



Uqsas jańalyqtar
Seriktester jańalyqtary

Jańalyqtar

Úrdis

MURAǴAT