+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

UQK úsh keden beketinde 20 shaqty adamdy ustady

2020 jylǵy 6 sáýir 14:41
Bólisińiz:
UQK úsh keden beketinde 20 shaqty adamdy ustady

NUR-SULTAN. QazAqparat – Ulttyq qaýipsizdik komıteti keden beketterindegi ekonomıkalyq qylmys transshekaralyq sıpatqa ıe ekenin jarııa etti, dep habarlaıdy QazAqparat tilshisi.

Uqsas jańalyqtar
Aqtóbe turǵyny bank ókilimin dep habarlasqan adamǵa senip, 1,2 mln teńgesinen aıyryldy Almatyda jasyryn oıynhana uıymdastyrǵan adam 4 jylǵa sottaldy Nur-Sultanda er adam áıelin óltirip, artynan ózine qol jumsaǵan

«Qazir syrtqy saýda týraly sóz bolǵanda ekonomıkalyq kontrabandamen kúrestiń mańyzy erekshe aıtylady. Bul sanatta tirkelgen qylmystardyń statıstıkasy laýazymdy tulǵalar tarapynan qylmysqa jol berý tendentsııasy baıqalatynyn kórsetip otyr. Qazaqstannyń Tuńǵysh Prezıdenti – Elbasy Nursultan Nazarbaev elimizdegi keden qyzmetin synǵa alǵan edi. Sheteldik sarapshylardyń zertteýi Qytaıdan Qazaqstanǵa keletin taýarlardyń jartysy zańsyz kirgiziletinin dáleldeı tústi. Sonymen qatar Qazaqstannyń keden statıstıkasy men tasymaldaýshy eldiń kedendik statıstıkasynda aıyrmashylyq baıqalady. Jalpy ondaı kedendik aıyrmashylyq Qytaı men Reseı arasyndaǵy saýda-sattyq qarym-qatynasta baıqalmaıtynyn atap ótý kerek», - dep habarlaıdy UQK -den.

Osy baǵyttaǵy qylmystardyń betin ashý úshin Ulttyq qaýipsizdik komıteti jedel izdestirý sharalaryn júrgizip, qazaq-qytaı, qazaq-ózbek shekarasyndaǵy syrtqy ekonomıkalyq saýda-sattyqqa qatysýshylardan aqsha kúshtep alynatynyn anyqtaǵan.

«Sonymen qatar QHR-dan Ózbekstanǵa taýardy kedergisiz ótkizý maqsatynda syrtqy ekonomıkalyq qatysýshylardan shektesetin memleketterdiń laýazymdy tulǵalarynyń arasynda deldal bolǵan Ózbekstan azamattarynyń bary belgili boldy. Bul jaǵdaı osy júıeniń transshekaralyq aýqymy baryn aıqyndaı túsedi. Osylaısha kedendik, fıtosanıtarlyq, veterınarlyq, kóliktik baqylaý qyzmetterindegi laýazymdy tulǵalardyń zańsyz áreketteri qujatpen bekitildi. Atap aıtqanda Nur joly, Qaljat, Baýyrjan Qonysbaev atyndaǵy keden beketteriniń qyzmetkerleri qysqa ýaqyttyń ishinde 1 mln teńge, 10 myńǵa jýyq dollar, ózge de valıýtadaı aqshany alǵan», - delingen komıtettiń habarlamasynda

UQK júrgizgen shara barysynda 20 shaqty adam ustalyp, jumys oryndary men turǵylyqty úıleri boıynsha tintý jumystary júrgizilgen.

«Tintý barysynda dollar, teńge, rýbl men qyrǵyz somy túrinde aıtarlyqtaı qomaqty qarajat tárkilengen. Zańsyzdyqtyń jolyn kesý jumystary jalǵasa beredi», - delingen komıtettiń habarlamasynda.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT