Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 384.39 EUR 431.71
RUB 6.11 CNY 55.88
Jańalyqtar

UQK kórinbeıtin maıdanda elimiz úshin abyroıly jumys atqarýda - Nursultan Nazarbaev

2017 jylǵy 13 shilde 15:34 897
Bólisińiz:
UQK kórinbeıtin maıdanda elimiz úshin abyroıly jumys atqarýda - Nursultan Nazarbaev

ASTANA. QazAqparat - Elimizdiń Ulttyq qaýipsizdik komıteti qyzmetshileri kózge kórinbes maıdanda elimiz úshin abyroıly jumys atqarýda. Búgin QR Ulttyq qaýipsizdik komıtetiniń 25 jyldyq mereıtoıyna arnalǵan merekelik kontsertte sóz sóılegen Qazaqstan Prezıdenti Nursultan Nazarbaev osylaı aıtty, dep habarlaıdy QazAqparat.

«Osydan týra shırek ǵasyr buryn meniń Jarlyǵymmen Qazaqstannyń Táýelsiz qaýipsizdik organdary quryldy. Barshańyzdy osy aıtýly oqıǵamen, kásibı merekelerińizben shyn júregimmen quttyqtaý úshin keldim. Bizdiń elimizde mundaı organdar tuńǵysh ret derbes quryldy dep aıtýǵa bolady. Árıne, buryn da bolǵan. Biraq ta biz anaý ortalyqtyń bir bólshegi ǵana edik. Jumysymyzdyń barlyǵy solarmen kelisip isteletin. Qazir Táýelsiz eldiń táýelsiz qaýipsizdik organdary bar. Táýelsizdik jyldarynda elimizdiń qaýipsizdigin qamtamasyz etetin berik júıe qalyptasty. Sonyń ishinde ulttyq qaýipsizdik organdarynyń mańyzy óte zor dep aıtýǵa bolady. Sizder Otanymyzdyń tutastyǵyn qamtamasyz etýge, táýelsizdikti nyǵaıtýǵa jáne halqymyzdyń tynyshtyǵyn saqtaýǵa 25 jyldyń ishinde eleýli úlesterińizdi qosyp kele jatyrsyzdar. Sol úshin de rızashylyǵymdy bildiremin», - dedi Memleket basshysy.

Qazaqstan Prezıdenti arnaýly qyzmettegi adamdardyń barlyǵy, sonyń ishinde ásirese ulttyq qaýipsizdik organdarynyń qyzmetshileri kózge kórinbes maıdanda kún-tún demeı elimiz úshin abyroıly, jaýapty jumys atqaryp kele jatqanyn basa aıtty.

«Osy jyldar ishinde ulttyq qaýipsizdik organdary kóptegen qaýiptiń aldyn alyp, talaı lańkestik áreketterdiń jolyn kesti. Men onyń barlyǵyn bilemin. Ulttyq qaýipsizdik organdaryna biliktiligi men daıarlyǵy joǵary adamdar ǵana qabyldanady. Daıyndyǵy bar, bilimi bar, sezimi bar, otansúıgish júregi bar adamdar ǵana qabyldanady. Olarǵa alańsyz ári adal qyzmet úshin memleket tarabynan barlyq jaǵdaı jasalýda», - dedi Nursultan Nazarbaev.

Sonymen qatar Elbasy qaýipsizdik qurylymdary aldynda turǵan mindetter asa mańyzdy bolǵandyqtan bul organnyń árbir qyzmetshisine jaýapkershilik, talap óte joǵary ekendigin atap ótti.

 

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT