+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Úkimettik emes uıymdar qoǵamnyń pikirin aıqyn jetkizedi - Aıgúl Soloveva

2021 jylǵy 27 aqpan 13:46
Bólisińiz:
Úkimettik emes uıymdar qoǵamnyń pikirin aıqyn jetkizedi - Aıgúl Soloveva

NUR-SULTAN. QazAqparat - Ekologııalyq uıymdar qaýymdastyǵynyń tóraǵasy, qoǵam qaıratkeri Aıgúl Soloveva Qazaqstanda úkimettik emes úıymdardyń damýyna qatysty pikir bildirdi, dep habarlaıdy QazAqparat tilshisi.

Onyń aıtýynsha, elimizde azamattyq qoǵamdy damytý tújyrymdamasy ázirlendi. Osy qujat aıasynda damýdyń kezeńderi aıqyndaldy.

«Ómirimizde ózgerister bolyp jatady jáne úkimettik emes uıymdar adamdar men qoǵamnyń qajettigine qaraı damýdyń túrli nusqalaryn usynady. Birinshi kezeńde qalyptasý boldy, ıaǵnı azamattyq qoǵam men úkimettik emes uıymdar, kommertsııalyq emes ári qoǵamdyq uıymdarǵa qatysty túsinik berilip, jumystar bastaldy. Ekinshi kezeńde memleket ózara seriktestikti jolǵa qoıdy. Mysaly, Elbasynyń qatysýymen birinshe Azamattyq forým ótip, onda bıliktiń, bıznestiń jáne úkimettik emes uıymdardyń áriptestigi týraly jarııalandy. Bul turǵyda qaıyrymdylyq, demeýshilik, metsenattyq eskerildi», - dedi A. Soloveva Dúnıejúzilik úkimettik emes uıymdar kúni aıasynda ótken is-shara barysynda.

Qoǵam qaıratkeri qazirgi kezde elimizde úshinshi kezeń júrip jatqanyn, onyń aıasynda qoǵam áleýet pen kúsh-jigerin jınap, damý jolymen kele jatqanyn atap ótti.

«Qoǵamnyń damýyna qaraı úkimettik emes uıymdar da ózgeredi. Sebebi olar qoǵam pikiriniń aıqyn kórinisi bolady. Prezıdent aıtqan «Halyq únine qulaq asatyn memleket» tujyrymdamasy da osyǵan baılanysty. Bizde quqyq qorǵaýshy, ekologııalyq uıymdar bar, sondaı-aq múmkindigi shekteýli jandardyń qaýymdastyǵy qyzmet etip keledi. Túrli uıymdar biryńǵaı odaqqa qosylady, ıaǵnı azamattyq alıans bolyp ózderiniń pikirin jarııalap, Memleket basshysyna, mınıstrlerge deıin jetkizedi. Bul óz kezeginde yntymaqtastyq jyl saıyn nyǵaıyp kele jatqanyn bildirip otyr. Qazirgi kezde memlekettik organdar qoǵam ókilderin tarta otyryp, jumys istep jatyr», - dedi A. Soloveva.

Aıta keteıik, búgin Aqparat jáne qoǵamdyq damý mınıstri Aıda Balaeva úkimettik emes uıym ókilderimen kezdesti. Іs-shara jyl saıyn 27 aqpanda atap ótiletin Dúnıejúzilik úkimettik emes uıymdar kúni aıasynda ótti.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT