Úkimette ishki naryqty suıytylǵan gazben qamtamasyz etý máselesi qaraldy
2022 jylǵy 17 qańtar 20:48

Úkimette ishki naryqty suıytylǵan gazben qamtamasyz etý máselesi qaraldy

NUR-SULTAN. QazAqparat - QR Premer-Mınıstri Álıhan Smaıylovtyń tóraǵalyǵymen ótken Munaı-gaz jáne energetıka salalaryn damytý jónindegi vedomstvoaralyq komıssııanyń otyrysynda ishki naryqty suıytylǵan gazben úzdiksiz qamtamasyz etý máselesi qaraldy. QazAqparat bul týraly primeminister.kz saıtyna silteme jasap.


Memleket basshysy Qasym-Jomart Toqaevtyń tapsyrmasyn oryndaý aıasynda suıytylǵan munaı gazyn (SMG) elektrondyq saýda alańynan (ESA) tys – jergilikti atqarýshy organdardyń ótinimderi negizinde ishki naryqqa jetkizý jospary arqyly satý týraly sheshim qabyldandy.

QR Іshki naryǵyna suıytylǵan munaı gazyn jetkizý josparyn qalyptastyrý qaǵıdalaryna munaı-gaz hımııasy kásiporyndarymen jáne toptyq rezervýarlyq qondyrǵylarmen (turmystyq muqtajdyqtar úshin) qatar, SMG-ny ESA-dan tys satyp alýǵa quqyǵy bar sýbektilerdiń tizimin keńeıtýdi kózdeıtin ózgerister engizildi. Mundaı quqyqqa avtogaz quıý stantsııalary, gaz jelisi uıymdary, gaz toltyrý beketteri, gaz toltyrý stantsııalary ıe boldy.

Energetıka mınıstrligi sýbektilerdiń atalǵan jańa sanattary úshin elektrondyq saýda alańynan tys ishki naryqta suıytylǵan munaı gazyn bólýge ýákiletti.

Suıytylǵan munaı gazyn kóterme jáne bólshek saýdada ótkizýdiń 150-den astam sýbektisi jumys isteıtin óńirlerdiń ákimdikteri osyndaı sýbektiler arasynda suıytylǵan munaı gazyn bólýdiń óz tetikterin ázirleýge ýákiletti.

2021 jylǵy jeltoqsanda jáne 2022 jylǵy qańtarda bólshek saýdada ótkizýshiler ESA-lardan suıytylǵan gaz kólemderin kóterme naryq baǵalary boıynsha satyp aldy. Bıyl 5 qańtarda suıytylǵan munaı gazyn bólshek saýdada satýǵa shekti baǵalar belgilendi (óńirlerge qaraı – bir lıtri úshin 50 teńgeden 70 teńgege deıin, shalǵaı aýdandarda – bir lıtri úshin 55 teńgeden 75 teńgege deıin), sondaı-aq shekti kóterme baǵasy bir tonnasy úshin 38 701 teńgeden 28 000 teńgege deıin tómendedi.


Jańalyqtar

MURAǴAT