Úkimette elimizdiń batys óńirlerin keshendi damytýdyń josparlary tanystyryldy
2022 jylǵy 25 qańtar 09:39

Úkimette elimizdiń batys óńirlerin keshendi damytýdyń josparlary tanystyryldy

NUR-SULTAN. QazAqparat – Búgin Úkimet otyrysynda QR Ulttyq ekonomıka mınıstri Álibek Qýantyrov elimizdiń batys óńirlerin keshendi damytýdyń josparlaryn tanystyrdy, dep habarlaıdy QazAqparat tilshisi.

«Batys óńirlerin – Aqtóbe, Atyraý, Batys Qazaqstan, Mańǵystaý oblystarynyń áleýmettik-ekonomıkalyq damytýdyń keshendi josparlarynyń jobalary usynylyp otyr. Memleket basshysynyń tapsyrmasyn oryndaý maqsatynda Aqtóbe jáne Batys Qazaqstan oblystaryn damytýdyń 2022-2025 jyldarǵa arnalǵan jańa keshendi josparlary ázirlendi, sondaı-aq qoldanystaǵy Atyraý jáne Mańǵystaý oblystaryn damytýdyń 2021-2025 jyldarǵa arnalǵan keshendi josparlary ózektendirildi», - dedi Á. Qýantyrov.

Onyń aıtýynsha, batys óńirlerdi damytýdyń 4 keshendi josparyn qarjylandyrýdyń jalpy kólemi 15,3 trln teńge, onyń ishinde respýblıkalyq bıýdjetten – 1,7 trln teńge.

«Mınıstrlik, ortalyq memlekettik organdarmen, ákimdiktermen birlesip, óńirlerdiń áleýmettik-ekonomıkalyq damýyna jáne turaqty jumys oryndaryn qurýǵa tikeleı jáne janama mýltıplıkatıvtik áserlerdiń joǵary áleýeti bar jobalardy irikteý boıynsha jumys júrgizdi», - dedi mınıstr.

Atap aıtqanda, Aqtóbe oblysynyń keshendi jospary 92 is-sharadan turady. Jospardy iske asyrýdyń jalpy somasy 1,7 trln teńge, onyń ishinde respýblıkalyq bıýdjet – 343,3 mlrd teńge, jergilikti bıýdjet - 165,6 mlrd teńge, jeke ınvestıtsııalar - 1,2 trln teńge.

Al Batys Qazaqstan oblysyn damytýdyń keshendi jospary jalpy somasy 2,6 trln teńgeni quraıtyn 116 is-sharany qamtydy. Onyń ishinde respýblıkalyq bıýdjet – 416,1 mlrd teńge, jergilikti bıýjet – 117,8 mlrd teńge, jeke ınvestıtsııalar – 2,1 trln teńge.

Atyraý oblysyn damytýdyń ózektendirilgen keshendi jospary jalpy somasy 8,9 trln teńge bolatyn 185 is-sharadan turady. Onyń ishinde respýblıkalyq bıýdjet – 535,8 mlrd teńge, jergilikti bıýdjet – 112,6 mlrd teńge, jeke ınvestıtsııalar – 8,3 trln teńge teńge.

Mańǵystaý oblysyn damytýdyń ózektilendirilgen keshendi jospary jalpy qarjylandyrý kólemi 2,1 trln teńgeni quraıtyn 226 is-sharadan turady. Onyń ishinde respýblıkalyq bıýdjet – 375,2 mlrd teńge, jergilikti bıýdjet – 117,9 mlrd teńge, jeke ınvestıtsııalar - 1,6 trln teńge.


Avtor:
Tilshi

Jańalyqtar

MURAǴAT