Úkimette daǵdarysqa qarsy qosymsha sharalar qaraldy
2022 jylǵy 21 sáýir 18:10

Úkimette daǵdarysqa qarsy qosymsha sharalar qaraldy

NUR-SULTAN. QazAqparat – Búgin Úkimet úıinde QR Premer-Mınıstri Álıhan Smaıylov daǵdarysqa qarsy qosymsha sharalar jóninde keńes ótkizdi. Otyrys barysynda Úkimettiń syrtqy ekonomıkalyq jáne geosaıası faktorlardyń qazaqstandyq óndirýshilerge áserin muqııat qadaǵalap otyrǵany atalyp ótti, dep habarlaıdy QazAqparat Premer-Mınıstrdiń resmı saıtyna silteme jasap.

Otandyq kompanııalardyń odan ári damýy jáne ákimshilik júktemeni tómendetý úshin birqatar jańa qoldaý sharalaryn engizý usynyldy.

Máselen, memlekettik satyp alý aıasynda óz mindettemelerin oryndaý kezinde fors-majorlyq jaǵdaılarǵa (logıstıkalyq dálizderdiń jabylýy, jetkizilimderdiń ýaqytyly oryndalmaýy jáne basqa) tap bolǵan kompanııalardy Josyqsyz jetkizýshiler tizilimine engizbeý tetikterin pysyqtaý qajettigi aıtyldy.

Sonymen qatar, aýyl sharýashylyǵy óndirýshilerin qoldaý úshin saqtandyrý syıaqylaryn memlekettik sýbsıdııalaý kólemin ulǵaıtý kerektigi nazarǵa alyndy.

Sondaı-aq, elimizde shyǵarylatyn aýyl sharýashylyǵy tehnıkasynyń jeńildikti lızıngin keńeıtý týraly usynys maquldandy.

Premer-Mınıstr usynystardy qoldap, olardy júzege asyrý máselelerin pysyqtaýdy tapsyrdy.

Aıta keteıik, Boao Azııa forýmy plenarlyq sessııasynyń ashylý rásiminde QR Premer-mınıstri Álıhan Smaıylov Azııa elderin Transkaspıı halyqaralyq kólik baǵdaryn belsendi paıdalanýǵa shaqyrǵan bolatyn.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT