+7 (701) 759 90 19 Lenta
USD 386.77 EUR 427.26
RUB 6.00 CNY 54.56
Jańalyqtar

Úkimet zeınetaqy júıesi boıynsha usynystardy jyl sońyna deıin ázirleıdi

2019 jylǵy 11 qyrkúıek 16:22
Bólisińiz:
Úkimet zeınetaqy júıesi boıynsha usynystardy jyl sońyna deıin ázirleıdi

NUR-SULTAN. QazAqparat –Eńbek jáne halyqty áleýmettik qorǵaý mınıstrliginde Prezıdent Qasym-Jomart Toqaevtyń Qazaqstan halqyna Joldaýyn iske asyrý máseleleri jónindegi alqa otyrys ótti. Bul týraly QazAqparat mınıstrliktiń baspasóz qyzmetine silteme jasap habarlaıdy.

Uqsas jańalyqtar
5 paıyzdyq qosymsha zeınetaqy salymy 2023 jylǵa deıin shegeriledi Qazaqstandyqtardyń zeınetaqy jınaqtary 9,99 trln teńgeni qurady

Eńbek jáne halyqty áleýmettik qorǵaý mınıstri Birjan Nurymbetov beınekonferentsbaılanys rejıminde oblystar men respýblıkalyq mańyzy bar qalalar ákimderiniń orynbasarlaryna, sondaı-aq jergilikti atqarýshy organdardyń ókilderine zeınetaqy júıesiniń turaqtylyǵyn qamtamasyz etý úshin mınıstrlik qandaı tetikterdi ázirleıtini týraly aıtty.

Mınıstr Qazaqstanda jyl saıyn yntymaqty zeınetaqy ınflıatsııa deńgeıinen ósip kele jatqanyn atap ótti. Sonymen qatar, ótken jyly eńbek ótilin eskere otyryp, bazalyq zeınetaqy kóbeıtildi.

«Tıisinshe, jyl saıyn zeınetaqy tólemderine bıýdjettiń shyǵystary artyp keledi. 2019 jyly respýblıkalyq bıýdjette osy maqsattarǵa 2,3 trln teńge kózdelgen, bul ótken jyldyń deńgeıinen 15%-ǵa joǵary. Jınaqtalǵan zeınetaqyny eseptemegende, zeınetaqy tólemderimen kiristiń jıyntyq koeffıtsıenti búginde 52,7% quraıdy. Sonymen birge zeınetaqy júıesiniń turaqtylyǵyn qamtamasyz etý úshin sharalar qabyldanatyn bolady», - dedi Birjan Nurymbetov.

Birinshiden, Qazaqstan Respýblıkasy Prezıdentiniń tapsyrmalaryna sáıkes, bızneske júktemeniń bir mezgilde ulǵaıýyn boldyrmaý maqsatynda mindetti medıtsınalyq saqtandyrý júıesin engizýmen qatar, jumys berýshiniń mindetti zeınetaqy jarnalarynyń 5 paıyzyn engizý 2023 jylǵa deıin keıinge qaldyrylady.

Ekinshiden, azamattardyń zeınetaqy jınaqtarynyń bir bóligin turǵyn úı nemese bilim berý sııaqty basqa da mańyzdy maqsattarǵa paıdalaný máseleleri keshendi pysyqtalatyn bolady.

«Mınıstrlik uzaq merzimdi aktýarlyq úlgilerdi qurý negizinde jınaqtaýshy zeınetaqy júıesin odan ári jetildirý boıynsha sharalar keshenin ázirleý úshin jumys tobyn qurdy. Onyń quramyna Ulttyq banktiń, Qarjy, Ulttyq ekonomıka mınıstrlikteriniń jáne basqa da memlekettik organdardyń, Qazaqstan qarjygerleriniń qaýymdastyǵy, Kásipodaqtar federatsııasy, «TALAP» qoldanbaly zertteýler ortalyǵy, Strategııalyq bastamalar ortalyǵy, sarapshylar men qoǵam qaıratkerleri kirdi. Keshendi jáne jan-jaqty qarastyrý úshin, sondaı-aq bıznes ókilderiniń, bolashaq zeınetkerler men múddeli memlekettik organdardyń múddelerin eskere otyryp, syndarly usynystardy ázirleý úshin jaqyn arada Úkimet deńgeıinde osyndaı jumys toby qurylatyn bolady. Zeınetaqy júıesiniń tıimdiligin arttyrý boıynsha usynystardy Úkimet pen Ulttyq bank jyl sońyna deıin ázirleıdi», - dedi mınıstr.

Úshinshiden, shyǵyndardy ońtaılandyrý jáne ınvestıtsııalyq basqarý sapasyn jaqsartý maqsatynda bıýdjetten tys júıeni shoǵyrlandyrý jáne bir áleýmettik tólemdi engizý máselesi zerdelenetin bolady.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT