+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Úkimet basshysy janar-jaǵarmaı naryǵyndaǵy baǵany qalyptastyrý máselesi boıynsha birqatar mindetter júktedi

2009 jylǵy 16 qarasha 12:01
Bólisińiz:
Úkimet basshysy janar-jaǵarmaı naryǵyndaǵy baǵany qalyptastyrý máselesi boıynsha birqatar mindetter júktedi

ASTANA. Qarashanyń 16-sy. QazAqparat /Rýslan Ǵabbasov/ - Búgin Úkimette ótip jatqan selektorlyq keńeste Premer-Mınıstr Kárim Másimov Elbasynyń tapsyrmasyna sáıkes janar-jaǵarmaı naryǵyndaǵy baǵany qalyptastyrý máselesi boıynsha birqatar mindetter júktedi,

dep habarlaıdy QazAqparat.

«Uzaq merzimdi mindetterge toqtalsaq, elimizdegi úsh munaı óńdeý zaýyttaryn qaıta jóndeýden ótkizgennen keıin, 2014 jylǵa qaraı Qazaqstan barlyq qajetti munaı ónimderimen ózin qamtamasyz ete alady. Onyń ishinde benzın, avıokerosın, bıtým, sondaı-aq barlyq qajetti ónimder bar», dedi Úkimet basshysy.

Ekinshi maqsat - orta merzimdi mindetter. ıAǵnı 2010-2014 jyldar aralyǵynda, Keden odaǵy qurylǵan jaǵdaıda jáne Qazaqstan aýmaǵynda munaı ónimderiniń jetispeýshiligi týyndar bolsa qalaı jumys isteý jaıyn qarastyrý júkteldi. «Birinshi jáne ekinshi másele boıynsha sizderge jyl sońyna deıin usynystar engizýdi tapsyramyn», dedi Premer-Mınıstr.

Úshinshi maqsatqa toqtalǵan Úkimet basshysy, bul mindet qysqa merzimde atqarylatyn sharalarǵa baǵyttalǵanyn jetkizdi. Onyń aıtýynsha, bul mindetterde Elbasy bergen tapsyrmany eskere otyryp, aldaǵy aptalar men aılarda atqarylatyn ister qamtylýy tıis. Juma kúni jumys toby qurylǵanyna toqtalǵan K. Másimov, «Osyǵan baılanysty men Sizden úsh kúnniń ishinde tıisti usynystardy kútemin», dedi Energetıka jáne mıneraldyq resýrstar mınıstri Saýat Myńbaevqa qaratyp aıtqan sózinde.

«Kimde-kim zań buzsa, quqyq qorǵaý organdarynyń qaraýyna engizilýi tıis. ıAǵnı baǵalardy óz erikterine qaraı baǵyndyrǵandar jaýapqa tartylýlary kerek», dedi Premer-Mınıstr.

Bizdiń kanalymyzǵa jazylyńyz:

#Munaı  
Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT