Úkimet basshysy Mańǵystaýdaǵy birqatar ınnovatsııalyq óndiris oryndarynyń jumysymen tanysty

AQTAÝ. QazAqparat - QR Premer-Mınıstri Asqar Mamın Mańǵystaýda jumys sapary barysynda birneshe ınnovatsııalyq óndiris kásiporyndaryn aralap, jumys barysymen tanysty, dep habarlaıdy QazAqparat tilshisi.

Uqsas jańalyqtar

Asqar Mamın Nur-Sultan qalasynyń aınalma jolyn ashty

Asqar Mamın: Jalaqyny ýaqtyly berý jóninde zańnama normalaryn qatańdatýdy tapsyramyn Qazaqstan men Ázerbaıjan Premer-Mınıstrleri Kaspıı túbine salynatyn talshyqty-optıkalyq jeli qurylysyn ashty Asqar Mamın Investıtsııalyq ahýaldy jaqsartý jónindegi keńes otyrysyn ótkizdi

Tsıfrlandyrý baǵdarlamasy aıasynda iri kásiporyndar jappaı avtomatty texnologııalarmen jabdyqtanýda. Sonyń biri - Munaıly aýdanynda ornalasqan «Shlıýmberje» kompanııasynyń óndiristik bazasy. Munaı qondyrǵysyn jasaıtyn zaýyt elimizdegi qara altyn kenishterin tolyq qamtyp otyr. Tseh álemdik standartqa saı jabdyqtalǵan. A. Mamın munaı ken oryndaryna qyzmet kórsetý boıynsha kásiporynnyń jańa óndiristik jáne servıstik múmkindikterimen tanysty.

«Kásiporynda jylyna 1 000 dana munaı sorǵysy daıyndalady. Qazirgi tańda daıyn ónim ishki naryqqa shyǵarylýda. Jabdyqtar ishki suranysty qamtyp qana qoımaı, Kaspıı aımaǵy men taıaý Shyǵys elderine jóneltiledi. Sonymen qatar, kásiporynda bólshekterge jóndeý jumystary júrgiziledi», - deıdi zaýyttyń bas dırektory Mýhamed Razıev.

Ári qaraı, Asqar Mamın joǵary sapaly jol bıtýmdaryn óndiretin «Kaspı bıtým» birlesken kásiporyn jumysymen tanysty. Munda jylyna 1 mln tonna munaı qaıta óńdeledi, 400 myń tonna totyqqan bıtým, 120 myń tonna jetildirilgen bıtým óndiriledi. Bul Qazaqstan naryǵynyń teń jartysyn quraıdy.

Shóleıtti Mańǵystaý úshin aýyz sýmen qamtý – basty másele. Qazir Munaıly, Qaraqııa aýdany men demalys aımaqtaryn qamtamasyz etetin «Kaspıı» tuylandyrý zaýyty aýyz sý óndirý kólemin kelesi jyly arttyrmaq. Búginde kásiporyn kúnine 20 myń tekshe metr teńiz sýyn tazartyp otyr. Mekeme basshysynyń aıtýynsha 2020-2021 jyly zaýyt 40 myń tekshe metr sý tushytyp, eki aýdannan bólek Túpqaraǵan men Ómirzaq aýylyna da aýyz sý jiberýdi josparlaýda. Bul - shóleıtti Mańǵystaý túbegindegi aýyz sý máselesin sheshýge múmkindik bermek.

Óńirdegi qurylysy qarqyndy bastalǵan ǵımarattyń biri – «Ábish Kekilbaev mádenı ortalyǵy».

Asqar Mamın qurylys nysanyn aralap, jobamen tanysty. Jospar boıynsha bul jerde 2 qabatty mádenı ortalyq, oblystyq mýzeı men kitaphana ashylady. Jaýapty mamandardyń aıtýynsha, murajaıdyń qurylysy qyrkúıek aıynda aıaqtalyp, paıdalanýǵa berilmek. Sondaı-aq, ǵımarat ortasynda sý burqaqtar, kólik turaǵy men demalýshylarǵa arnalǵan oryndyqtardy qoıý qarastyrylǵan.