+7 (701) 759 90 19
USD 429.59 EUR 507.3
RUB 5.62 CNY 64.1
Jańalyqtar

Úkimet aýyldardaǵy máselelerdi sheshý úshin 900 mlrd teńge bólmek

2019 jylǵy 6 qarasha 10:27
Bólisińiz:
Úkimet aýyldardaǵy máselelerdi sheshý úshin 900 mlrd teńge bólmek

NUR-SULTAN. QazAqparat - Úkimet aýyldardaǵy máselelerdi sheshý úshin 900 mlrd teńge bólmek. Bul týraly búgin Úkimet otyrysynda «Aýyl - el besigi» baǵdarlamasynyń júzege asyrylý barysy jaıynda baıandaǵan QR Premer-Mınıstriniń orynbasary Roman Sklıar aıtty, dep habarlaıdy QazAqparat tilshisi.

Uqsas jańalyqtar

«Aýyldardaǵy máselelerdi keshendi sheshý úshin aıtarlyqtaı qarajat qajet. Aldyn ala esepteý boıynsha 900 mlrd teńge kerek. Bul rette respýblıkalyq bıýdjetten 70 paıyz nemese 630 mlrd teńgeni, al qalǵan 30 paıyz nemese 270 mlrd teńgeni jergilikti bıýdjetten bólý usynylady. Atalǵan qarajattardy 2027 jylǵa deıin bólý usynylyp otyr», - dedi vıtse-premer.

Onyń dereginshe, 2019 jyly 30 mlrd teńge somaǵa shamamen 700 myń adam turatyn 53 aýylda 452 ınfraqurylymdyq joba iske asyrylýda. Olar áleýmettik jáne ınjenerlik ınfraqurylymdardy jóndeý, qaıta jańartý jónindegi jobalar bolyp sanalady. Qarajattar josparly túrde ıgerilip jatyr.

«Sondaı-aq, Tuńǵysh Prezıdent - Elbasynyń «Rýhanı jańǵyrý» baǵdarlamasy aıasynda týǵan aýyldardy abattandyrý boıynsha iri kásipkerlerdiń «kishi otanyna» qamqorlyqpen qaraý men metsenattyq jasaýdyń jarqyn kórinisiniń mysaldary bar. Máselen, sońǵy eki jylda Qaraǵandy oblysynyń Shahterskoe aýylyn damytýǵa, «Shahterskoe» JShS dırektory Georgıı Prokop 1 mlrd teńgeden astam qarjy ınvestıtsııalady. «Agrofırma Rodına» JShS dırektory Ivan Saýer Aqmola oblysynyń Rodına aýylyn damytýǵa 500 mln teńgeden astam qarajat saldy. Belgili kásipker Baýyrjan Ospanov muǵalimderge arnalǵan turǵyn úıler salyp, Almaty oblysynyń Lepsi aýylynda 1 mlrd teńgeden astam somaǵa áleýmettik nysandar jóndeldi. Mundaı mysaldar ár oblysta bar«, - dedi ol.

R.Sklıardyń aıtýynsha, elimizdiń barlyq óńirlerinde aýyl ınfraqurylymyn keń aýqymdy jańǵyrtý bastalady. Oǵan kózdelgen 30 mlrd teńgege 2020 jyly qosymsha 50 mlrd teńge bólinedi.

»Jalpy bólinetin qarajatqa 250 aýylda 1 641 jobany iske asyrý josparlanýda. Aýyl halqyn jumyspen qamtýdy qamtamasyz etý jáne iske asyrylyp jatqan jobalarǵa jańa daǵdy alý maqsatynda aýyl jastary tartylatyn bolady. Óńir ákimderi shuǵyl túrde tıisti jobalyq qujattamany ázirleýi qajet«, - dedi Úkimet basshysynyń orynbasary.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT