+7 (701) 759 90 19
USD 425.77 EUR 494.28
RUB 5.95 CNY 66.14
Jańalyqtar

Úkimet áýe kompanııalaryna ruqsat qujattaryn berýge ýaqytsha moratorıı engizdi

2009 jylǵy 3 qarasha 12:19
Bólisińiz:
Úkimet áýe kompanııalaryna ruqsat qujattaryn berýge ýaqytsha moratorıı engizdi

ASTANA. Qarashanyń 3-i. QazAqparat /Rýslan Ǵabbasov/ - Úkimet áýe kompanııalaryna ruqsat qujattaryn berýge ýaqytsha moratorıı engizdi.

Bul týraly búgin Úkimet otyrysynda Premer-Mınıstr Kárim Másimov málim etti, dep habarlaıdy QazAqparat.

«Eýroodaqpen aradaǵy jaǵdaıdy rettegenshe, búginnen bastap áýe kompanııalary úshin jańa ruqsat qujattaryn berýge moratorıı jarııalaımyn. Osy oraıda másele sheshilgenshe, eshqandaı ruqsatnamalar berilmeýi tıis. Jańa kompanııalarǵa tek halyqaralyq talaptarǵa sáıkes ruqsat etilýi qajet», dedi Úkimet basshysy.

Esterińizge sala keteıik, Eýropalyq komıssııa qazaqstandyq birqatar áýe kompanııalarynyń Eýropa elderine baǵyttaryn shekteıtin «qara tizimin» jasaǵan bolatyn.

Osyǵan baılanysty Kólik jáne kommýnıkatsııa mınıstri Ábilǵazy Qusaıynovtyń aıtýynsha, Eýroodaqqa qazaqstandyq áýe kompanııalarynyń ushyrylymyna qoıylǵan shekteý 2010 jyldyń ekinshi jartyjyldyǵynda toqtatylady.

Mınıstrdiń sózine qaraǵanda, qazirgi kezde Májilistiń qaraýyna «Avıatsııa týraly» jańa zań jobasy usynylǵan. Onda áýe saparlarynyń qaýipsizdigin qadaǵalaýdy kúsheıtý boıynsha IKAO eskertýleri men usynystary eskerilgen.

Búginde, ıaǵnı qazannyń 30-nan bastap elimizde IKAO múshelerinen quralǵan komıssııa jumys isteýde. «Mamyr aıynda ótken tekserýlermen salystyrǵanda, olar oń kózqarasta», dedi Ábilǵazy Qusaıynov.

Qarasha aıynda Brıýsselde avıatsııalyq ákimshiliktiń esebi qaıta tyńdalatynyna toqtalǵan ol, bul baǵytta vedomstvo tarapynan júıelik sharalar qabyldanyp jatqandyǵyn, sondaı-aq «Ushyrylymdardyń qaýipsizdigi boıynsha ortalyq» memlekettik kásiporny qurylǵanyn jetkizdi. Qazirgi kezde Úkimettiń qorynan bólingen 64 mıllıon teńge esebinen Eýropalyq avıatsııalyq talaptarǵa sáıkes atalǵan ortalyqtyń 15 ınspektoryn oqytý sharalary júzege asyrylýda.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
Sondaı-aq... oqyńyz
ONLAIN QYZMETKERLER

MURAǴAT