+7 (701) 759 90 19
USD 414.13 EUR 451.40
RUB 5.80 CNY 58.03
Jańalyqtar

Úkimet áleýmettik-ekonomıkalyq turaqtylyqty qamtamasyz etý úshin qosymsha sharalar qabyldady

2020 jylǵy 30 naýryz 17:15
Bólisińiz:
Úkimet áleýmettik-ekonomıkalyq turaqtylyqty qamtamasyz etý úshin qosymsha sharalar qabyldady

NUR-SULTAN. QazAqparat - QR Premer-Mınıstri Asqar Mamın respýblıkalyq bıýdjetti naqtylaý jónindegi jańa qaýlyǵa qol qoıdy, dep habarlaıdy primeminister.kz. QazAqparat qaýlynyń tolyq mátinin jarııalaıdy.

Qazaqstan Respýblıkasy Úkimetiniń 2020 jylǵy 28 naýryzdaǵy №154 Qaýlysy


«Ekonomıkany turaqtandyrý jónindegi odan arǵy sharalar týraly» Qazaqstan Respýblıkasy Prezıdentiniń 2020 jylǵy 16 naýryzdaǵy № 287 Jarlyǵyn iske asyrý jónindegi sharalar týraly» Qazaqstan Respýblıkasy Úkimetiniń 2020 jylǵy 20 naýryzdaǵy № 126 qaýlysyna ózgeris pen tolyqtyrýlar engizý týraly

Qazaqstan Respýblıkasynyń Úkimeti QAÝLY ETEDІ:

1. «Ekonomıkany turaqtandyrý jónindegi odan arǵy sharalar týraly» Qazaqstan Respýblıkasy Prezıdentiniń 2020 jylǵy 16 naýryzdaǵy № 287 Jarlyǵyn iske asyrý jónindegi sharalar týraly» Qazaqstan Respýblıkasy Úkimetiniń
2020 jylǵy 20 naýryzdaǵy № 126 qaýlysyna (2020 jylǵy 21 naýryzda № 56 «Egemen Qazaqstan» gazetinde jarııalanǵan) mynadaı ózgeris pen tolyqtyrýlar engizilsin:

kórsetilgen qaýlymen bekitilgen respýblıkalyq bıýdjetti qalyptastyrýdyń, naqtylaýdyń jáne atqarýdyń erekshe tártibinde:

4-tarmaq mynadaı redaktsııada jazylsyn:

«4. Osy erekshe tártiptiń erejelerin qoldaný arqyly respýblıkalyq bıýdjetti qalyptastyrý, naqtylaý jáne atqarý daǵdarysty jaǵdaılar kezeńinde júrgiziledi.

Bıýdjettik ınvestıtsııalar jáne bıýdjettik kredıtter tásilimen qarjylandyrylatyn jobalar, onyń ishinde kvazımemlekettik sektor sýbektileri boıynsha respýblıkalyq bıýdjetti naqtylaý kezinde tıisti saraptamalar júrgizilmeıdi jáne bıýdjettik baǵdarlamalar ákimshileriniń bıýdjettik ótinimderi negizinde naqtylanǵan respýblıkalyq bıýdjet jobasyna engiziledi.

Qurylys qyzmetin kózdeıtin bıýdjettik ınvestıtsııalyq jobalardyń, onyń ishinde sý qaýipsizdigi obektileriniń shyǵystary sáýlet, qala qurylysy jáne qurylys qyzmeti týraly Qazaqstan Respýblıkasynyń zańnamasyna sáıkes irilendirilgen smetalyq normalar men baǵalar jınaqtary negizinde josparlanady.

Bıýdjettik baǵdarlamalar ákimshisiniń basshysy jáne bıýdjettik ınvestıtsııalar ne bıýdjettik kredıt alatyn kvazımemlekettik sektor sýbektisiniń basshysy áleýmettik-ekonomıkalyq ornyqtylyqty qamtamasyz etý sharalaryn qabyldaýǵa baǵyttalǵan aktıvter boıynsha jobalarda áleýmettik-ekonomıkalyq áser beretin jáne daǵdarysty jaǵdaılar turaqtanǵannan keıin otandyq bıznesti (onyń ishinde eksportty) qoldaýdy, turaqty jumys oryndaryn saqtaýdy (qurýdy) kózdeýge tıis.

Bul rette respýblıkalyq bıýdjettik baǵdarlamalardyń ákimshileri bıýdjettik josparlaý jónindegi ortalyq ýákiletti organǵa is-sharalardy qarjylandyrý jónindegi bıýdjettik ótinimderdi engizedi.»;

6-tarmaq mynadaı mazmundaǵy ekinshi bólikpen tolyqtyrylsyn:

«Negizdeýshi qujattar bolmaǵan jaǵdaıda bıýdjettik baǵdarlamalar ákimshileriniń esep-qısaptary bıýdjettik ótinimge bıýdjettik ınvestıtsııalar jáne bıýdjettik kredıtter arqyly qarjylandyrylatyn, onyń ishinde kvazımemlekettik sektor sýbektileriniń jobalaryn engizý úshin negiz bolyp tabylady.»;

mynadaı mazmundaǵy 14, 15, 16, 17 jáne 18-tarmaqtarmen tolyqtyrylsyn:

«14. Oblystardyń, respýblıkalyq mańyzy bar qalalardyń, astananyń jergilikti atqarýshy organdarynyń qaryz alýy respýblıkalyq bıýdjetten bıýdjettik kredıtter alý jáne respýblıkalyq mańyzy bar qalalardyń, astananyń jergilikti atqarýshy organdarynyń respýblıkalyq mańyzy bar qala, astana bıýdjetiniń tapshylyǵyn qarjylandyrý úshin ishki naryqta aınalysqa jiberýge memlekettik baǵaly qaǵazdar shyǵarýy túrinde, sondaı-aq oblystardyń, respýblıkalyq mańyzy bar qalalardyń, astananyń jergilikti atqarýshy organdarynyń memlekettik baǵdarlamalardy iske asyrý sheńberinde turǵyn úı qurylysyn qarjylandyrý úshin, Jumyspen qamtý jol kartasynyń sheńberindegi sharalardy qarjylandyrý úshin ishki naryqta aınalysqa jiberýge memlekettik baǵaly qaǵazdar shyǵarýy túrinde júzege asyrylady.

15. Jumyspen qamtý jol kartasynyń tótenshe jaǵdaı qoldanylatyn kezeńde aıqyndalǵan is-sharalaryn qarjylandyrý úshin oblystardyń, respýblıkalyq mańyzy bar qalalardyń, astananyń jergilikti atqarýshy organdarynyń qaryz alýy respýblıkalyq bıýdjetten bıýdjettik kredıtter alý jáne jergilikti atqarýshy organdardyń borysh lımıtin belgilemeı, ishki naryqta aınalysqa jiberý úshin memlekettik baǵaly qaǵazdar shyǵarý túrinde júzege asyrylady.

Jumyspen qamtý jol kartasynyń tótenshe jaǵdaı qoldanylatyn kezeńde aıqyndalǵan is-sharalaryn qarjylandyrý úshin oblystyń, respýblıkalyq mańyzy bar qalanyń, astananyń jergilikti atqarýshy organynyń memlekettik baǵaly qaǵazdar shyǵarýynyń sharttaryn, kólemin jáne nysanaly maqsatyn jergilikti atqarýshy organdar derbes aıqyndaıdy.

16. Qazaqstan Respýblıkasynyń Prezıdenti tótenshe nemese soǵys jaǵdaıyn engizgen kezde jergilikti atqarýshy organdar qajet bolǵan jaǵdaıda rezervtiń jalpy kólemin transfertter men qaryzdardy esepke almaı, tıisti jergilikti bıýdjet túsimderi kóleminiń on protsentine deıin ulǵaıtýy múmkin.

Jergilikti atqarýshy organdar rezerviniń bıýdjettik baǵdarlamasyna jergilikti bıýdjet qarajatyn bekitilgen (naqtylanǵan) bıýdjet boıynsha aǵymdaǵy qarjy jylyna bıýdjettik baǵdarlamalar ákimshisine bólingen jalpy kólemniń on protsentinen aspaıtyn kólemde qaıta bólý jergilikti atqarýshy organdardyń qaýlysymen bekitilgen bıýdjettik baǵdarlamalardyń tizbesi men kólemine sáıkes bıýdjet shyǵystarynyń qurylymyn ózgertpeı, bıýdjetti túzetý arqyly júzege asyrylady.

17. Ótken qarjy jylynda Qazaqstan Respýblıkasynyń Ulttyq qorynan respýblıkalyq bıýdjetke tartylǵan paıdalanylmaǵan qarajat qaıtarýǵa jatpaıdy jáne tótenshe jaǵdaı kezinde bıýdjetti naqtylaý arqyly paıdalanylýy múmkin.

18. Tótenshe jaǵdaı engizilgen kezde jalpy sıpattaǵy transfertterdiń kólemi qandaı da bir óńirdiń ózindik ereksheligine baılanysty nysanaly trasfertterdi tómengi bıýdjetten joǵarǵy bıýdjetke qaıtarý arqyly qaıta qaralýy múmkin.».

2. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.

Qazaqstan Respýblıkasynyń Premer-Mınıstri A. Mamın


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT