+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Úkimet 2021 jyly 19 zań jobasyn ázirleıdi

2020 jylǵy 27 qazan 09:58
Bólisińiz:
Úkimet 2021 jyly 19 zań jobasyn ázirleıdi

NUR-SULTAN. QazAqparat - QR Úkimeti zań jobalaý jumystarynyń 2021 jylǵa arnalǵan jospar jobasyn maquldady, dep habarlaıdy QazAqparat tilshisi.

Uqsas jańalyqtar
Azamattardyń jeke derekterin jınaý úshin Telegram-bot iske qosylǵandyǵy týraly aqparat jalǵan - Eńbek mınıstrligi Májiliste jaýapty hatshylar ınstıtýtyn taratý týraly zań jobasy birinshi oqylymda maquldandy Jyl basynan beri elordada mas kúıde kólik júrgizgen 683 adam ustaldy

«Ádilet mınıstrligi Zań jobalaý qyzmeti máseleleri jónindegi vedomstvoaralyq komıssııa múshelerimen birlesip Úkimettiń zań jobalaý jumystarynyń 2021 jylǵa arnalǵan jospar jobasyn ázirledi. Jospar jobasy Prezıdent pen memlekettiń strategııalyq qujattarynda aıqyndalǵan mindetter negizinde ázirlengen. Jospar jobasy 19 zań jobasyn ázirleýdi kózdeıdi. Olar saqtandyrý naryǵyn jáne baǵaly qaǵazdar naryǵyn retteýge, bırjalyq saýda, kólik, jer qatynastary, sybaılas jemqorlyqqa qarsy is-qımyl, quqyq qorǵaý qyzmeti, geodezııa, kartografııa jáne keńistiktik derekter, volonterler qyzmeti jáne qaıyrymdylyq, ınnovatsııalyq jáne ǵylymı-tehnıkalyq damý, bıologııalyq qaýipsizdik jáne basqada salalardy odan ári damytýǵa baǵyttalǵan»,- dedi atalǵan másele boıynsha baıandama jasaǵan Ádilet mınıstr Marat Beketaev.

Onyń aıtýynsha, aldaǵy jyly úsh jańa zań jobasyn ázirleý kózdelip otyr. Olar: «Geodezııa, kartografııa jáne keńistiktik derekter týraly», «Áskerı polıtsııa organdary týraly» jáne «Qazaqstan Respýblıkasynyń bıologııalyq qaýipsizdigi týraly» zań jobalary. Budan basqa, kelesi jyly Memleket basshysynyń 2020 jylǵy 1 qyrkúıektegi «Qazaqstan Jańa naqty ahýalda: is-qımyl ýaqyty» atty Joldaýyn iske asyrý jónindegi Jalpyulttyq is-sharalar josparynan týyndaıtyn eki zań jobasy Parlamentke engiziledi. Olar: «Qazaqstan Respýblıkasynyń bırjalyq saýdany damytý jáne jetildirý máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine sybaılas jemqorlyqqa qarsy is-qımyl máseleleri boıynsha ózgertýler men tolyqtyrýlar engizý týraly» zań jobalary.

«Jospar jobasynda kózdelgen 19 zań jobanyn ishinen Parlamentke 2021 jyldyń birinshi jartyjyldyǵynda - 5, al ekenshi jartyjyldyǵynda – 14 zań jobalaryn engizý josparlanýda. «Quqyqtyq aktiler týraly» Zańǵa sáıkes jospar jobasy Memleket basshysymen kelisilýi tıis. Jospar jobasyn Prezıdent Ákimshiligine engizý usynylady«, - dedi mınıstr.

Óz kezeginde QR Premer-Mınıstri Asqar Mamın kelesi jyly Memleket basshysynyń 2020 jylǵy 1 qyrkúıektegi Joldaýynan týyndaǵan eki zań jobasyn Parlamentke engizýimiz qajettigin basa aıtty.

«2021 jylǵa arnalǵan Josparda 19 zań jobasyn daıyndaý kózdelip otyr. Jalpy Úkimettiń zań jobalaý jumystarynyń 2021 jylǵa arnalǵan josparynyń jobasyn maquldaýdy usynamyn. Osyǵan oraı múddeli memlekettik organdardyń birinshi basshylaryna zań jobalarynyń sapasyna jáne olardyń Úkimet pen Parlamentke ýaqtyly engizilýine erekshe nazar aýdarýdy tapsyramyn. Premer-Mınıstr Keńsesi osy jylǵy 30 qazanǵa deıin Memleket basshysynyń atyna jospardyń jobasyn kelisý úshin hat jobasyn daıyndasyn«, - dedi Úkimet basshysy.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT