Ýımbldon týrnıriniń shırek fınalyna shyqqanyma qatty qýandym – Elena Rybakına
2022 jylǵy 5 shilde 05:18

Ýımbldon týrnıriniń shırek fınalyna shyqqanyma qatty qýandym – Elena Rybakına

NUR-SULTAN. QazAqparat – Qazaqstannyń birinshi, álemniń 23-raketkasy Elena Rybakına alǵash ret Ýımbldon týrnıriniń shırek fınalyna shyqqanyna qatysty pikir bildirip, qýanyshymen bólisti, dep habarlaıdy QazAqparat tilshisi.

Onyń aıtýynsha, bıylǵy jyl basy qazaqstandyq tennısshi úshin onsha sátti bola qoıǵan joq.

«Jyl basynda men ózime senimdi bolmadym, óıtkeni maýsymǵa jaqsy daıyndala almadym. Jaraqat alyp, allergııadan, kovıdten zardap shektim. Áıteýir bir másele týyndady da turdy. Qazir óte baqyttymyn. Qalaı oınap jatqanyma, babymnyń qandaı ekendigine qaramastan, tartysty oıyndarda jeńiske jettim. Taǵy bir aıtatynym, men ózimdi eshkimmen salystyrmaımyn. Tek ózimniń talantym bar ekendigin bilemin. Meniń boıym uzyn jáne óte tez oınaımyn. Osy qarýymdy jıi paıdalanýǵa tyrysamyn», dedi E.Rybakına.

Eske sala keteıik, budan buryn qazaqstandyq jas tennısshilerdiń halyqaralyq týrnırlerde jaqsy nátıje kórsetkenin , Elena Rybakınanyń Ýımbldonda shırek fınalǵa shyqqanyn jazǵan bolatynbyz.

E.Rybakına shırek fınalda álemniń 44-raketkasy, aýstralııalyq Aıla Tomlıanovıchpen sheberlik baıqasady. Ol tórtinshi aınalymda reıtıngte 37-oryndaǵy frantsııalyq Alıze Korneden aılasyn asyrdy – 4:6, 6:4, 6:3.


Sýret: ktf.kz


Uqsas jańalyqtar

Jańalyqtar

Úrdis

MURAǴAT