+7 (701) 759 90 19
USD 448.52 EUR 490.32
RUB 5.69 CNY 63.23
Jańalyqtar

Ýhannan jetkizilgen qazaqstandyq stýdent karantın qalaı júrgizilgenin aıtyp berdi

2020 jylǵy 17 aqpan 18:40
Bólisińiz:
Ýhannan jetkizilgen qazaqstandyq stýdent karantın qalaı júrgizilgenin aıtyp berdi

NUR-SULTAN. QazAqparat - Ýhan qalasynan jetkizilgen PhD stýdenti Gúlbaqyt Bolatbekqyzy karantınniń qalaı júrgizilgenin aıtyp berdi, dep habarlaıdy QazAqparat tilshisi.

Uqsas jańalyqtar
Erlan Qojaǵapanov vırýstan qalaı qorǵanatynyn aıtty Qostanaıda koronavırýstyń tirkelýin kútpeı sanıtarlyq baqylaý kúsheıtilip jatyr 240-qa jýyq áskerı dáriger Densaýlyq saqtaý mınıstrligine kómekke kelýge daıyn

«Ýhan qalasyn karantınge jabý týraly habar 22 qańtar kúni kelip tústi. Bul ýaqytta Qytaı halqynyń Jańa jyly toılanady. Onda 2-3 jyldan beri turyp jatqandyqtan, jańa jylda dúkenderdiń jabylatynyn bilemiz. Bul joly da azyq-túlikti aldyn ala satyp alǵanbyz. Karantın kezinde barlyq kólik joldary jabylady. Vokzal, áýejaı jumys istemeıdi. Tótenshe jaǵdaı rejimi engizildi. 22 qańtardan 2 aqpanǵa deıin kampýsta, óz bólmemizde otyrdyq. Ár korpýs óz stýdentteri úshin jaýapty boldy. Tek azyq-túlik alý úshin kýratorǵa eskertip, kampýstan shyǵatynbyz. Onda da betperde, kózildirik, qolǵap kıip, eshkimmen baılanyspaýǵa tyrystyq. Barlyǵy uıymdastyryldy. Áleýmettik jelide aıtylǵandaı esh dúrligý bolǵan joq. Bir úzim nan úshin tóbelesý bolǵan joq», - dedi G. Bolatbekqyzy Ortalyq kommýnıkatsııalar qyzmetinde ótken baspasóz máslıhatynda.

Osylaısha, Ýhan stýdentteri jalpy eseppen 24 kún karantınde bolǵan.

«22 qańtar - 2 aqpan aralyǵynda 10 kún kampýsta otyrdyq. Oǵan qosa, Qazaqstanda 14 kún oqshaý ómir súrdik. Bizdi Nur-Sultandaǵy kópbeıindi aýrýhanaǵa jatqyzdy. Mamandar qajetti saraptamalardyń bárin jasady. Eshqaısysynan koronavırýs tabylǵan joq. Tótenshe jaǵdaı bolmaǵanda, bizde kýrorttyq demalys boldy dep aıtýǵa bolady. Kúnine 4 ret tamaqtandyryp, densaýlyǵymyzdy jiti tekserdi. Keı adamdar stresti jaǵdaıǵa túskendikten, dárigerler olarmen úzdiksiz sóılesip otyrdy. Pıjamaǵa deıin qajetti kıimdi aýrýhananyń ózi berdi. Osynyń barlyǵyn mamandar jedel uıymdastyra aldy jáne olarǵa zor alǵys aıtamyz», - deıdi stýdent.

Sonymen birge, onyń aıtýynsha Qazaqstan men Qytaıdyń bilim mınıstrlikteri stýdentterdiń oqýyn jalǵastyrý máselesin talqylaǵan.

«Mundaǵy áńgime Qytaıǵa ekijaqty baǵdarlamamen barǵandar nemese tildik kýrs oqıtyndar jáne bakalavr, magıstratýra, doktorantýra oqıtyndar jaıynda bolyp otyr. Stýdentterdiń bir bóligi Qazaqstanǵa aýysýdy kózdep otyr. Al keı stýdentter shekara ashylǵan soń, oqýyn Qytaıda jalǵastyrǵysy keledi. Bul sheshimdi ár stýdent ózi derbes qabyldaıdy», - deıdi Gúlbaqyt Bolatbekqyzy.

Aıta keteıik, keshe Qytaıdan evakýatsııalanǵan 89 stýdent elordadaǵy kópsalaly medıtsınalyq ortalyqtyń juqpaly aýrýlar bóliminen jáne 171 qazaqstandyq Almatydaǵy statsıonarlardyń birinen shyǵaryldy.

Sońǵy derekterge sáıkes, Qytaıda koronavırýstan kóz jumǵandar sany 1770 adamǵa jetti .


Bizdiń kanalymyzǵa jazylyńyz:

Basty sózder: Qytaı, Bilim, Medıtsına, Koronavırýs,
Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT