Ýhan qalasyndaǵy qazaqstandyq stýdentterdi evakýatsııalaý qarastyrylyp jatyr - DSM

NUR-SULTAN. QazAqparat - Koronavırýstyń jańa túri anyqtalǵan Qytaıdyń Ýhan qalasyndaǵy qazaqstandyqtar evakýatsııalanýy múmkin. Bul týraly Taýarlar men kórsetiletin qyzmetter sapasy men qaýipsizdigin baqylaý komıteti tóraǵasynyń orynbasary Jandarbek Bekshın aıtty, dep habarlaıdy QazAqparat tilshisi.

Uqsas jańalyqtar

Krýızdik laınerdiń bortynda koronavırýs juqtyrǵandar sany 355 adamǵa jetti

Qytaıda koronavırýstan kóz jumǵandar sany 1770 adamǵa jetti Planetany jahandyq jylynýdan qutqara alamyz ba – Álemdik baspasózge sholý 70-ke jýyq avıakompanııa Qytaıǵa reıster oryndaýdan bas tartty

Jandarbek Bekshınniń aıtýynsha, qazaqstandyq 98 stýdentpen tikeleı baılanys ornaǵan. Ol Qytaı bıligi joǵary oqý oryndarynda oqıtyn barlyq sheteldik stýdentterdi baqylaýǵa alýdy tapsyrǵanyn sóz etti.

«Búginde Úkimet stýdentterimizdi evakýatsııalaý máselesi boıynsha qarqyndy jumys júrgizýde. Jaqyn arada sheshim qabyldanady, sol kezde qosymsha habarlaımyz», - deıdi Jandarbek Bekshın.

Sonymen qatar, ol Densaýlyq saqtaý mınıstrligi kún saıyn Qytaıdan keletin azamattarymyzdy qabyldaý boıynsha jumys júrgizip jatqanyn aıtty.

«Ýhan qalasynda qazaqstandyq 98 stýdent bar. Qazir algorıtm quryp jatyrmyz. Ol boıynsha azamattar tizimi medıtsınalyq uıymdarǵa jiberiledi. Olar 14 kún boıy medıtsınalyq baqylaý júrgizedi. Odan keıin medıtsınalyq uıymdardaǵy synamalarǵa dıagnostıka jasaý úshin zerthanaǵa jiberemiz. Onyń nátıjesin DDSU-ǵa joldaımyz jáne Reseı Federatsııasyndaǵy mamandarmen birlese jumys isteımiz», - deıdi ol.