+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

ÚEU ókilderi Elbasy N.Nazarbaevtyń azamattyq sektordy damytýdaǵy rólin talqylady

2021 jylǵy 3 shilde 10:35
Bólisińiz:
ÚEU ókilderi Elbasy N.Nazarbaevtyń azamattyq sektordy damytýdaǵy rólin talqylady

NUR-SULTAN.QazAqparat - Elorda kúni qarsańynda onlaın-formatta «Tuńǵysh Prezıdent — Elbasy N.Á.Nazarbaevtyń Qazaqstandaǵy azamattyq qoǵamnyń qalyptasýyndaǵy róli» atty dóńgelek ústel otyrysy ótti, dep habarlaıdy QazAqparat.

QR Aqparat jáne qoǵamdyq damý mınıstrliginiń qoldaýymen Qazaqstannyń Azamattyq Alıansy uıymdastyrǵan is-sharada QR AQDM Azamattyq qoǵam isteri komıteti tóraǵasynyń orynbasary Nurbol Serikbekov, «Qazaqstannyń Azamattyq Alıansy» ZTB prezıdenti Baný Nurǵazıeva, Azamattyq bastamalardy qoldaý ortalyǵynyń tóraǵasy Lıma Dıas, «Qazaqstannyń Azamattyq Alıansy» ZTB vıtse-prezıdenti Gúlnar Qurbanbaeva, Nur-Sultan qalasynyń ÚEU alıansynyń basshysy Mahabbat Espenova, óńirlik ÚEU ókilderi Irına Terenteva, Aslan Tapıshev, Janat Muhamedjan sóz sóıledi.

Baný Nurǵazıeva óz sózinde azamattyq qoǵamdy qalyptastyrý Qazaqstannyń Tuńǵysh Prezıdentiniń saıasatymen negizdelgen memlekettik saıasattyń mańyzdy strategııalyq mindetteriniń biri bolyp tabylatynyn atap ótti.

Onyń aıtýynsha, Nursultan Nazarbaev azamattyq qoǵamdy damytý salasyndaǵy kóptegen problemalyq máselelerdi sheship, úkimettik emes uıymdardyń júıeli jumysyn qurýǵa jaǵdaı jasady.

QR AQDM azamattyq qoǵam isteri komıtetiniń ókili N. Serikbekov:

«Sońǵy 30 jylda azamattyq qoǵam ınstıtýttarynyń turaqty qyzmetin qamtamasyz etý úshin normatıvtik-quqyqtyq baza qalyptasty.

Elbasynyń bastamasymen 2003 jyldan bastap elimizde Azamattyq forým ótkizilýde. Forýmnyń usynymdaryn iske asyrý qoǵamnyń mańyzdy áleýmettik-ekonomıkalyq máselelerin sheshýge yqpal etti. Osylaısha, Tuńǵysh Prezıdent azamattyq qoǵam ınstıtýttaryn nyǵaıtý jónindegi aýqymdy sharalardyń bastamashysy boldy».

Aıta keteıik, Táýelsizdiktiń 30 jyly ishinde úkimettik emes uıymdardyń sany 100-den 22 myńǵa deıin ulǵaıdy. Elimizde kásibı qoǵamdyq uıymdar qurylyp, tabysty jumys isteýde.

Eldegi azamattyq qoǵamnyń damý perspektıvalaryn talqylaı otyryp, ÚEU ókilderi QR Tuńǵysh Prezıdenti-Elbasy N. Nazarbaevtyń azamattyq qoǵammen ózara is-qımyldy eldiń áleýmettik-ekonomıkalyq damýyndaǵy eń basym mindetterdiń qataryna qoıǵanyn atap ótti.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT