+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

UEFA Konferentsııa lıgasy: Qazaqstandyq klýbtardyń oıyndaryn qaıdan kórýge bolady

2021 jylǵy 22 shilde 14:49
Bólisińiz:
UEFA Konferentsııa lıgasy: Qazaqstandyq klýbtardyń oıyndaryn qaıdan kórýge bolady

NUR-SULTAN. QazAqparat - Búgin, 22 shildede UEFA Konferentsııa lıgasy ekinshi irikteý satysynda qazaqstandyq «Astana», «Tobyl» jáne «Shahter» komandalary alǵashqy oıyndaryn ótkizedi, dep habarlaıdy QazAqparat tilshisi.

Uqsas jańalyqtar
Fýtboldan Qazaqstan chempıonaty: «Qaırat» syrt alańda «Aqtóbeni» jeńdi 2021-2022 maýsymyndaǵy fýtzaldan QR chempıonatynyń kúntizbesi jarııalandy Fýtboldan Qazaqstan chempıonaty: «Aqjaıyq» pen «Turan» teń tarqasty

Elordalyq «Astana»óz alańynda Grekııanyń «Arıs» komandasyn qabyldaıdy.

Eki komanda arasyndaǵy kezdesý elorda ýaqytymen 19.00-de bastalyp, «El Arna» telearnasynan tikeleı efırde kórsetiledi.

Salonıkı qalasynyń atynan synǵa túsetin atalǵan klýb 1914 jyly qurylǵan. 1928, 1932, 1946 jyldarda óz eliniń chempıony atanǵan. Sondaı-aq, bir márte kúmis, segiz márte qola júldeger atanǵan. 2021 jyly úzdik úshtikten kóringen komanda osylaısha eýrokýbokta oınaýǵa múmkindik aldy.

Odan keıin Qaraǵandynyń «Shahteri» syrt alańda Rýmynııanyń FKSB ( burynǵy ataýy «Stıaýa») klýbymen jasyl alańǵa shyǵady.

Oıyn elorda ýaqytymen 00.30-da bastalyp, «Qazsport» telearnasynan tikeleı efırde kórsetiledi.

FKSB 1947 jyly qurylǵan. 1961-2017 jyldar aralyǵynda «Stıaýa» ataýymen jankúıerlerge jaqsy tanys. Óziniń elinde 26 márte chempıon atanyp, rekordtyq kórsetkishke qol jetkizdi. Bıyl olar kúmis júlde alyp, eýrokýbokta baq synaýǵa joldamany ıelendi.

Al Qostanaıdyń «Tobyly» syrt alańda Horvatııanyń «Haıdýk» klýbymen sheberlik baıqasady.

Kezdesý elorda ýaqytymen 19.00-de bastalyp, «Qazaqstan» telearnasynan tikeleı efırde kórsetiledi.

«Háıdýk» 1911 jyly qurylǵan. ıÝgoslavııa jáne Horvatııa chempıonattarynda 15 márte altynnan alqa taqty. Sondaı-aq, atalǵan chempıonattarda 23 márte kúmis, 12 márte qola júlde aldy.

UEFA qaramaǵyndaǵy Chempıondar lıgasy men Eýropa lıgasynan keıingi úshinshi deńgeıdegi qurlyqtyq klýbtyq fýtbol týrnıri.

Týrnırge UEFA quramyndaǵy reıtıngi tómen chempıonat komandalary qatysady. Árbir eldiń chempıony burynǵysynsha Chempıondar lıgasynda baq synaıdy. Al 2-3 oryn alǵan klýbtar jáne Kýbok ıegerleri Eýropa lıgasyna emes, Konferentsııalar lıgasynda dop tebedi.

UEFA Chempıondar lıgasynyń birinshi jáne ekinshi irikteý kezeńinde súringen klýbtar da jarysty burynǵysha Eýropa lıgasynda emes, osy týrnırde jalǵastyrady. Sondaı-aq Eýropa lıgasynyń úshinshi irikteý jáne pleı-off kezeńinde utylǵandar men toptyq kezeńinde úshinshi oryn alǵan komandalar osy týrnırde jarysty jalǵastyrady. Týrnır jeńimpazy kelesi maýsymda Eýropa lıgasyna qatysady.

Aıta ketsek, UEFA Chempıondar lıgasy ekinshi irikteý satysynda «Qaırat» óz alańynda serbııalyq «Tsrvena Zvezda» klýbynan basym tústi.


Bizdiń kanalymyzǵa jazylyńyz:

#Sport  
Bólisińiz:

Avtor:

Ádiljan Úmbet

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT