+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

UEFA Konferentsııa lıgasy: Búgingi oıyndardy qaıdan kórýge bolady

2021 jylǵy 29 shilde 14:11
Bólisińiz:
UEFA Konferentsııa lıgasy: Búgingi oıyndardy qaıdan kórýge bolady

NUR-SULTAN. QazAqparat - Búgin, 29 shildede UEFA Konferentsııa lıgasy ekinshi irikteý satysynda qazaqstandyq «Astana», «Tobyl» jáne «Shahter» komandalary qarymta oıyndaryn ótkizedi, dep habarlaıdy QazAqparat tilshisi.

Uqsas jańalyqtar
Fýtboldan Qazaqstan birinshiligi: «Astana» qaıtadan kósh basyna shyqty Fýtboldan Qazaqstan chempıonaty: «Jetisý» men «Aqjaıyq» tartysty matchta teń tarqasty Fýtboldan Qazaqstan birinshiligi: Búgin 21-týr oıyndary bastalady

Qaraǵandynyń «Shahteri» Rýmynııanyń FKSB ( burynǵy ataýy «Stıaýa») klýbymen jasyl alańǵa shyǵady. Bul oıyn Armenııanyń Erevan qalasyndaǵy Vazgen Sarkısıan atyndaǵy stadıonda ótkiziledi. Bul rýmyn tarapynan túsken ótinishke sáıkes koronavırýs ınfektsııasynan saqtyq sharalaryna baılanysty Qazaqstannan tys aımaqta ótkizilýde.

Alǵashqy kezdesýde «Shahter» qarsylasyna 0:1 esebimen ese jiberdi.

Oıyn elorda ýaqytymen 19.00-de bastalyp, «Qazsport» telearnasynan tikeleı efırde kórsetiledi.

Kezdesýge bolgarııalyq Dragomır Draganov bas tóreshi bolady. Oǵan otandastary Petar Djýganskı men Stanıslav Todorov kómekshilik jasaıdy

Al Qostanaıdyń «Tobyly» óz alańynda Horvatııanyń «Haıdýk» klýbymen sheberlik baıqasady. Eki komanda arasyndaǵy alǵashqy kezdesýde horvattan 2:0 esebimen basym túsken bolatyn.

Oıyn barysynda reseılik Vladımır Moskalev bas qazy qyzmetin atqarady. Oǵan otandastary Dmıtrıı Mosıakın men Roman Ýsachev kómekshilik jasaıdy. Qosalqy tóreshi de - reseılik Evgenıı Kýkýlıak.

Oıyn elorda ýaqytymen 21.00-de bastalyp, «Qazsport» telearnasynan tikeleı efırde kórsetiledi.

Taǵy bir kezdesýde elordalyq «Astana» syrt alańda Grekııanyń «Arıs» komandasymen jasyl alańǵa shyǵady.

Alǵashqy kezdesýde «Astana» qarsylasyn 2:0 esebimen jeńgen edi.

Kezdesý elorda ýaqytymen 00.30-da bastalyp, «Habar» telearnasynan tikeleı efırde kórsetiledi.


Bizdiń kanalymyzǵa jazylyńyz:

#Sport   #Fýtbol  
Bólisińiz:

Avtor:

Ádiljan Úmbet

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT