ÝEFA Eýropa lıgasynyń 1/8 fınalynyń birqatar matchy ótedi

NUR-SULTAN. QazAqparat - 7 tamyzǵa qaraǵan túni Leverkýzen, Dýısbýrg, Bazel jáne Výlverhemptonda Eýropa lıgasy 1/8 fınalynyń sońǵy matchtary ótedi, dep habarlaıdy QazAqparat «Qazaqstan» RTRK» AQ baspasóz qyzmetine silteme jasap.

Uqsas jańalyqtar

«Qaırat» fýtbolshysy XXI ǵasyrdyń úzdik shabýylshylary tizimine endi

Fýtbol: Túrkistandyq «Arys» klýby premer-lıgaǵa qosyldy Fýtbol: Premer-lıgada 14 komanda oınaıtyn boldy Japonııalyq 53 jasynda fýtbol klýbymen kelisimshartty uzartty

Leverkýzendik «Baıer», «Bazel» jáne «Výlverhempton Ýondererz», tıisinshe, shotlandııalyq «Reındjers», frankfýrttik «Aıntraht» jáne grekııalyq «Olımpıakosty» óz alańdarynda qabyldaıdy. Ispanııalyq «Sevılıa» men ıtalııalyq «Roma» arasyndaǵy match Dýısbýrgtegi alańda ótedi.

ÝEFA Eýropa lıgasy, 1/8-fınaly. Oıyndar kúntizbesi:

QAZAQSTAN telearnacy:

7 tamyz - «Bazel» - «Aıntraht». Ýaqyty: túngi saǵat 00:55

QAZSPORT telearnacy:

6 tamyz - «Roma» - «Sevılıa». Ýaqyty: túngi saǵat 22:45

6 tamyz - «Baıer» - «Reındjers». Ýaqyty: túngi saǵat 22:45 (Match saıtta kórsetiledi)

7 tamyz - «Výlverhempton» - «Olımpıakos». Ýaqyty: túngi saǵat 00:55.

Esterińizge sala keteıik, Eýropa lıgasy 1/8 fınalynyń tórt oıyny ótkizildi. Buǵan deıin Ýkraınanyń «Shahter Donetsk» jáne Danııanyń «Kopengagen» komandalary shırek fınalǵa joldama alǵan bolatyn.

Olardyń qataryna Anglııanyń «Manchester ıÝnaıted» pen «Inter» komandalary da qosyldy. Aǵylshyn klýby búgin óz alańynda Aýstrııanyń «LASK» komandasyn qabyldady. Kezdesýde olar qarsylasyn 2:1 esebimen jeńdi. Eki komanda arasyndaǵy alǵashqy oıynda «Manchester ıÝnaıted» 5:0 esebimen basym túsken bolatyn. Osylaısha aǵylshyn komandasy shırek fınalǵa shyqty. Taǵy bir kezdesý Italııanyń «Inter» jáne Ispanııanyń «Hetafe» komandalary arasynda ótkizildi.