+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

UEFA Chempıondar lıgasy:  «Qaırat» serbııalyq klýbtan basym tústi

2021 jylǵy 21 shilde 22:41
Bólisińiz:
UEFA Chempıondar lıgasy:  «Qaırat» serbııalyq klýbtan basym tústi

NUR-SULTAN. QazAqparat - Búgin, 21 shildede UEFA Chempıondar lıgasy ekinshi irikteý satysynda Almatynyń «Qaıraty» óz alańynda Serbııanyń «Tsrvena Zvezda» komandasymen alǵashqy oıynyn ótkizdi, dep habarlaıdy QazAqparat tilshisi.

Uqsas jańalyqtar
Fýtboldan Qazaqstan chempıonaty: Búgin  25-týr oıyndary bastalady UEFA Konferentsııa lıgasy: «Qaırat» syrt alańda Ázerbaıjan komandasymen kezdesedi Fýtbol: Qazaqstan quramasy Tájikstanmen joldastyq kezdesý ótkizedi

Alǵashqy mınýttan alań ıeleri alǵa qaraı umtyldy. Qazaqstandyq klýb tezirek gol soǵýdyń jolyn izdedi. Qarsylastar qaqpasy mańynda jıi boı kórsetti. Olardyń tarapynan gol soǵatyn birneshe múmkindik bolǵan edi. Dese de ony óz yńǵaıyna keltire alǵan joq.

Oıynnyń 23-mınýtynda «Qaırat» shabýylshysy Hose Kante ózine berilgen múmkindikti múlt jibergen joq. Buryshtamadan áýelete berilgen dopty baspen qaqpaǵa baǵyttap, óziniń komandasyn alǵa shyǵardy.

Ekinshi kezeńniń 56-mınýtynda qazaqstandyq klýbtan Dıno Mıkanovıch avtogoldyń avtory atandy. Osylaısha tarazy basy teńesti. Oıynnyń «Qaırat» sapynan Frank Banıak 78-mınýtta mergendik tanytty.

Kezdesýde almatylyq klýb qarsylasynan 2:1 esebimen basym tústi.

Eske salsaq, eki komanda buǵan deıin 2015/16 jylǵy Eýropa lıgasy birinshi irikteý kezeńinde kezdesken bolatyn. Aldymen 2 shildede syrt alańda 2:0 esebimen basym túsken qazaqstandyq klýb Almatyda atalǵan qarsylasyn 9 shildede 2:1 esebimen jeńdi. Osylaısha «Qaırat» jarysty jalǵastyrýǵa múmkindik aldy.

Endi «Qaırat» atalǵan qarsylasymen syrt alańda 28 shildede qarymta oıyn ótkizedi. Qos oıynnyń nátıjesinde basym túsken klýb jarystyń úshinshi satysynda 3 jáne 10 tamyz kúnderi «Alashkert» (Armenııa) jáne «Sherıf» (Moldova) jubynyń jeńimpazymen kezdesedi.


Bizdiń kanalymyzǵa jazylyńyz:

#Sport   #Fýtbol  
Bólisińiz:

Avtor:

Ádiljan Úmbet

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT