+7 (701) 759 90 19
USD 427.15 EUR 519.12
RUB 5.96 CNY 66.84
Jańalyqtar

Ýchaskedegi naýqastarǵa baýyr basyp qalamyz – aqtóbelik meıirger

2021 jylǵy 12 mamyr 16:34
Bólisińiz:
Ýchaskedegi naýqastarǵa baýyr basyp qalamyz – aqtóbelik meıirger

AQTÓBE. QazAqparat – Jumysyn aýrýhanada tazalyqshy bolyp bastaǵan meıirger Zoıa Jumabekova qazir óz aýmaǵyna tıesili naýqastardyń kópshiligine baýyr basyp qalǵan. Ár otbasy múshesin tanıdy, olardyń dertin te jatqa biledi, dep habarlaıdy QazAqparat tilshisi.

Zoıa Jumabekova №2 Aqtóbe qalalyq emhanasynda jumys isteıdi. Ol eńbek jolyn qarapaıym tazalyqshydan bastaǵan.

«Mektep bitirgen soń Aqtóbe medıtsınalyq kolledjine oqýǵa túsý úshin qujatymdy daıyndadym. Bir ókinishtisi, men kelgende qujat qabyldaý toqtatylǵan. Sebebi oryn túgel toldy. Keıin basqa mamandyqty meńgerip, jumys istedim. Kóńilim sonda da medıtsına salasyn qalap, 2007-2011 jyldary kolledjdiń keshki aýysymyna tústim. Qazir eseptep qarasam, 36 jasymda partaǵa qaıta otyryppyn. Ózim 2001 jyly temirjol aýrýhanasynyń tazalyqshysy boldym. Al 2014 jyldan beri ýchaskelik meıirbıkemin», - dedi Zoıa Jumabekova. Ol qazir №2 Aqtóbe qalalyq emhanasynda eńbek etedi. Zoıa Seıilhanqyzynyń taǵy bir qyry – turǵyndar psıhologııasyn erkin meńgergen.

«Aýrýhanada tazalyqshy bolyp júrgen kezde adamdarmen tyǵyz qarym-qatynas ornattym. Allergııa ortalyǵyndaǵy naýqastardyń barlyq aýrý belgisin jetik meńgerip, óz-ózimdi damyttym. Keıin ýchaskelik mebdıke bolǵan kezde tájirıbeniń paıdasyn kórdim. Alǵashynda temirjol aýrýhanasy janyndaǵy emhanada bolyp, keıin bárin №2 qalalyq emhanaǵa kóshirdi. Sol kezde baýyr basyp qalǵan adamdardy qımaı, men de jumys ornymdy aýystyrdym. Biz 1800-den astam adamǵa jaýaptymyz. Olardy skrınıngke shaqyrý, dári-dármegin jetkizip berý, densaýlyǵy syr berse úıine baryp, hálin bilý tikeleı mindetimizge kiredi», - dedi meıirger Zoıa Jumabekova.

Jalpy Aqtóbe oblysy boıynsha 8 myńnan astam meıirger bar. Onyń 1500-i koronavırýs ınfektsııasy órshigen kezde «qyzyl» aımaqta eńbek ketti.

«Meıirgerdiń jumysyn kóp adam túsinbeıdi. Aýyrt dertke shaldyqqan kóńili túsip, óshin meıirgerden alyp jatatyn jaǵdaılar jıi bolady. Al bizdiń mindet – aýrýdy aldyn ala anyqtaýǵa kúsh salý. Sonymen birge qazir uıaly telefon bar. Turǵyndar kúni-túni habarlasyp, keńes alyp jatady. Bir baıqaǵanym, adamdar ashýǵa tez beriledi, renjıdi. Olardyń kóńilin taýyp, jumys isteý qıyn bolsa da qyzyqty», - dedi Zoıa Jumabekova.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT