+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

«Ýchaske» jedel-aldyn alý is-sharasy jalǵasýda

2021 jylǵy 20 qyrkúıek 11:24
Bólisińiz:
«Ýchaske» jedel-aldyn alý is-sharasy jalǵasýda

NUR-SULTAN. QazAqparat – «Ýchaske» jedel-aldyn alý is-sharasy barysynda 87 myńnan astam ákimshilik quqyq buzýshylyq anyqtaldy. Bul týraly QR Іshki ister mınıstriniń resmı ókili Nurdildá Oraz málim etti, dep habarlaıdy QazAqparat tilshisi.

Uqsas jańalyqtar
Almatyda páter tonaǵan ákki ury ustaldy SQO-da ákimshilik qamaýdan bosaǵan er adam kólik aıdap ketken Almatyda qylmys deńgeıi 5,4% tómendedi

«Ákimshilik polıtsııa «Ýchaske» jedel-aldyn alý is-sharasyn jalǵastyrýda. Bul is-shara quqyq buzýshylyqtardyń aldyn alýǵa, sondaı-aq turǵyndardyń qaýipsizdigi máselelerin zerdeleýge jáne odan ári sheshýge baǵyttalǵan. Ýchaskelik polıtsııa ınspektorlary operatsııa kezinde bekitilgen ákimshilik ýchaskelerde halyqpen tanysý, qarý ıelerin, ishki ister organdarynda esepte turǵan sheteldikter men azamattardy tekserý úshin aýlalardy jáne páterlerdi aralap shyǵady. Sonymen qatar, problemalyq máselelerdi zertteý jáne sheshý úshin halyqpen kezdesýler ótkizedi», - dedi ol ІІM baspasóz qyzmeti alańynda ótken brıfıngte

Onyń atap ótýinshe, is-sharaǵa 13 myńnan astam qyzmetker men 1 myńnan astam volonter, qoǵam qaıratkerleri, memlekettik organdar men mekemelerdiń ókilderi qatysty. Aldyn alý is-sharasynyń 20 kúninde polıtsııa qyzmetkerleri 900 myńǵa jýyq páter men jeke úılerdi aralap, 55 myńnan astam saıajaı úıleri men 14 myńǵa jýyq sharýa qojalyqtaryn, qystaqtardy aralady.

«Jalǵa beriletin 13 myńǵa jýyq páter tekserildi. Memlekettik kirister organdarynda tirkeýsiz turǵyn úıdi jalǵa berýdiń 3 myńǵa jýyq faktisi anyqtaldy. Turǵylyqty jeri boıynsha 33 myńnan astam azamattyq qarý ıeleri tekserildi, atys qarýyn saqtaý jáne alyp júrý erejelerin buzýdyń 500-ge jýyq faktisi tirkeldi. Operatsııa bastalǵannan beri polıtsııa qyzmetkerleri 87 myńnan astam ákimshilik quqyq buzýshylyqtyń, onyń ishinde 2 myńǵa jýyq usaq buzaqylyqtyń, turmysta 2 myńnan astam quqyq buzýshylyqtyń, 15 myńnan astam kóshi-qon zańnamasyn buzýdyń jolyn kesti», - dedi Nurdildá Oraz.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT