«Ýchaske» is-sharasy: Elordada turǵylyqty jeri joq 197 adam ustaldy
2021 jylǵy 25 qarasha 19:37

«Ýchaske» is-sharasy: Elordada turǵylyqty jeri joq 197 adam ustaldy

NUR-SULTAN. QazAqparat – «Ýchaske» jedel aldyn alý is-sharasy barysynda elordada turǵylyqty jeri joq 197 adam ustaldy. Bul týraly Nur-Sultan qalalyq polıtsııa departamentinen málim etti, dep habarlaıdy QazAqparat tilshisi.

«QR Іshki ister mınıstrliginiń nusqaýyna sáıkes, osy jyldyń 1 qyrkúıegi men 1 jeltoqsany aralyǵynda qala aýmaǵynda «Ýchaske» jedel aldy alý is-sharasy ótkizilýde. Іs-sharanyń basty maqsaty - ákimshilik ýchaskelerde quqyq buzýshylyqtardyń aldyn alý, azamattarmen tyǵyz senimdi qarym-qatynas ornatý, sondaı-aq halyq arasynda ishki ister organdarynyń ımıdjin jáne bedelin joǵarylatý», - dep atap ótedi departamentten.

Vedomstvo málimetinshe, is shara barysynda ýchaskelik polıtsııa ınspektorlary ózderine bekitilgen ákimshilik aýmaqtarda ornalasqan kópqabatty jáne jeke úılerdi aralap, turǵyndar jaıly aqparat jınaqtaıdy. Jaldamaly páterlerge tekserý júrgizedi. Máselen, osy ýaqytqa deıin elorda aýmaǵynda tirkeýsiz jalǵa beriletin 264 páter anyqtalyp, bul málimet Memlekettik kirister departamentine habarlandy. Bazarlarda jáne basqa da saýda oryndarynda 250 reıd júrgizildi.

«Naqty turǵylyqty jeri joq 197 adam ustaldy. Alkogoldik ishimdik ishkeni jáne mas kúıinde qoǵamdyq oryndarda bolǵany úshin 12 jasóspirim, zańdy ókilderinsiz oıyn-saýyq mekemelerinde bolǵany úshin 41, qoǵamdyq tártipti buzǵan 92 kámeletke tolmaǵan bala anyqtaldy. Turǵylyqty jeri boıynsha ishki ister organdarynda esepte turǵan 2 myńnan astam adam tekserildi. Ákimshilik quqyq buzýshylyq jasaǵany úshin 9 155 tulǵa ákimshilik jaýapkershilikke tartyldy», - delingen taratylǵan aqparatta.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT