+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Ýaqytsha tirkelgen sheteldik kólikterge sary tústi arnaıy nómir beriledi

2020 jylǵy 27 qańtar 17:44
Bólisińiz:
Ýaqytsha tirkelgen sheteldik kólikterge sary tústi arnaıy nómir beriledi

NUR-SULTAN. QazAqparat – QR Іshki ister mınıstriniń birinshi orynbasary Marat Qojaev sheteldik kólikterdi ýaqytsha tirkeý sharttaryn túsindirdi, dep habarlaıdy QazAqparat tilshisi.

Ol Memleket basshysynyń EAEO qatysýshy elderinen Qazaqstan azamattary ákelgen sheteldik kólikterge tólenetin salyq pen alymdy 2021 jyldyń 1 naýryzyna deıin shegere otyryp, tirkeý týraly Úkimetke tapsyrma bergenin eske saldy.

«Ýaqytsha tirkeý úshin arnaıy qyzmet kórsetý ortalyǵyna baryp, kelesi qujattardy usyný qajet: jeke kýálik, burynǵy memlekettik nemese tranzıttik nómir belgileri, tirkeý týraly kýálik, menshik quqyǵyn rastaıtyn qujattar jáne bastapqy tirkeý úshin tólem túbirtegi, memlekettik nómir men tehnıkalyq pasportty daıyndaǵany úshin tólemder. Sharttary óte qarapaıym, azamattarǵa bul kólikterdi zańdastyrýǵa, sondaı-aq qaıta óńdeý men kedendik bajdy bir jylǵa keshiktirip tóleý múmkindigi berilip otyr», - dedi vıtse-mınıstr Ortalyq kommýnıkatsııalar qyzmetinde «EAEO elderinen Qazaqstanǵa ákelingen avtokólikterdi ýaqytsha tirkeýdi qamtamasyz etý jáne turaqty esepke qoıý týraly» baspasóz máslıhatynda.

Onyń aıtýynsha, bul avtokólikterge arnaıy serııaly jáne tıptik nómirler berilip, tehnıkalyq pasportqa kólikti tirkeý sharttary týraly sáıkes belgi qoıylady.

«Іshki ister mınıstrligi 18 tsıfrymen sary fondaǵy nómir úlgisin shyǵardy. Sonymen qatar, tehnıkalyq pasportta 2021 jyldyń 1 naýryzyna deıingi jaramdylyq merzimi kórsetiledi», - dedi M. Qojaev.

Eske salsaq, buǵan deıin Qazaqstanda bir jyldan astam ýaqyt júrgen Armenııa, Qyrǵyzstan, Reseı nómirli kólikter zańnan tys qalady dep habarlanǵan bolatyn. Zańǵa engizilgen bul túzetýler «bóten» nómiri bar kólik ıeleriniń arasynda úlken narazylyq týǵyzdy.

Aıta keteıik, Úkimettiń keńeıtilgen otyrysynda Memleket basshysy Qasym-Jomart Toqaev Qazaqstannyń zańnamasyna saı kelmeıtin sheteldik kólikterge qatysy máseleni sheshýdi tapsyrǵan bolatyn.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT