Ýaqytsha ashylǵan 103 ınfektsııalyq statsıonar jabyldy - mınıstr

NUR-SULTAN. QazAqparat – Elimizde ýaqytsha ashylǵan 103 ınfektsııalyq nysan jabyldy. Bul jaıynda búgin Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«1 tamyzdan bastap Qazaqstanda ınfektsııalyq tósek-oryn júktemesiniń 56-dan 37 paıyzǵa, reanımatsııalyq tósek-oryn júktemesi 45-ten 30 paıyzǵa tómendegeni baıqalady. Rezervte 30 myńnan astam tósek-oryn bar. Epıdemıologııalyq ahýaldyń turaqtanýyna baılanysty ýaqytsha ınfektsııalyq nysandardy jabý jumysy jalǵasyp jatyr. Osy jyldyń 25 tamyzy men 18 qazany aralyǵynda barlyq óńirde 103 nysan jabyldy», - dedi ol.

Alekseı Tsoıdyń dereginshe, elimizde koronavırýsqa qarsy vaktsınanyń 1-komponentimen shamamen 8,2 mln adam, ekinshi komponentimen 7,3 mln-nan astam adam egildi.

«Halyqty koronavırýs ınfektsııasyna qarsy vaktsınalaý jalǵasyp jatyr», - dedi Densaýlyq saqtaý mınıstri.