TJM Abaı shahtasyndaǵy qaıǵyly oqıǵanyń sebepterin atady
2021 jylǵy 24 qarasha 18:52

TJM Abaı shahtasyndaǵy qaıǵyly oqıǵanyń sebepterin atady

NUR-SULTAN. QazAqparat – QR Tótenshe jaǵdaılar mınıstri ıÝrıı Ilın Abaı shahtasyndaǵy tótenshe oqıǵa boıynsha qurylǵan Úkimettik komıssııanyń tergeý qorytyndysyn tanystyra kelip, qaıǵyly oqıǵanyń sebepterin atady, dep habarlaıdy QazAqparat tilshisi.

«Oqıǵanyń sebepteri týraly aıtsaq, komıssııa apat bolǵan jerdi eki márte tekserip, kýágerlerden, oqıǵaǵa qatysy bar adamdardan jaýap aldy. Sarapshylardyń qorytyndysy boıynsha metan gazynyń bólinýi jáne taý-ken massasynyń opyrylýynan gazdınamıkalyq qubylys týyndap, saldarynan apat bolǵan» - dedi mınıstr Qaraǵandy oblysynyń óńirlik kommýnıkatsııalar qyzmetinde.

Onyń aıtýynsha, komıssııa osy jazataıym oqıǵaǵa qatysy joq qaıshylyqtardy anyqtaǵan. Naqty aıtsaq, jumysshylar men tehnıkalyq-ınjenerlik mamandar sany jetkiliksiz bolǵan.

«Ekinshi sebep – jumys berýshi shahta alańdaryndaǵy geologııalyq qaıshylyqtarǵa tolyqqandy barlaý júrgizbegen. Úshinshiden, jumys berýshi tehnologııalyq qurylǵy jabdyqtaryn jańartýdy ýaqtyly júrgizbegen. Tórtinshiden, jumys berýshi jumys oryndaryndaǵy barlyq táýekelderdi barynsha azaıtatyn jańa tehnologııalar men jabdyqtardy tıisti kólemde engizbegen», - dedi ıÝrıı Ilın.

Mınıstr Úkimettik komıssııanyń qorytyndy aktileri tergeý organdaryna beriletinin eskertti.

«Avarııalyq jaǵdaıǵa kináli laýazymdy adamdardyń qataryn tergeý organdarynyń sheshimi aıqyndaıdy. Komıssııa óz jumysyn aıaqtady», - dedi Tótenshe jaǵdaılar mınıstri.


Seriktester jańalyqtary

Jańalyqtar

Úrdis

MURAǴAT