TJD aptap ystyqqa baılanysty Almaty turǵyndaryna úndeý jasady
2022 jylǵy 27 maýsym 09:07

TJD aptap ystyqqa baılanysty Almaty turǵyndaryna úndeý jasady

ALMATY. QazAqparat - Almaty qalalyq Tótenshe jaǵdaılar departamenti Qazgıdrometke silteme jasap aýa raıyna qatysty eskertý jarııalady, dep habarlaıdy QazAqparat tilshisi.

27 maýsym kúni Almatyda synap baǵanasy 36 gradýsqa deıin kóterilip, kún qatty ystyq bolady.

Almaty qalalyq tótenshe jaǵdaılar departamenti ókilderi qala turǵyndary men qonaqtaryn kún sáýlesinen qorǵaný úshin serýendeýden bas tatrýǵa shaqyrdy.

«Aptap ystyq adam densaýlyǵyna keri áser etýi múmkin. Bul júrek-qan tamyrlary aýrýlarynan, gıpertonııadan zardap shegetinderge, sondaı-aq ınfarkt pen ınsýlt qaýpi bar adamdarǵa erekshe qaýip tóndiredi. Jaıaý júrýdi shekteńiz, kóp qımyl-áreket jasaýdyń qajeti joq. Dárigerdiń usynystaryn qatań saqtańyz jáne taǵaıyndalǵan dári-dármekterdi ýaqytynda qabyldańyz. Arterııalyq gıpertonııamen aýyratyn adamdar qan qysymyn únemi qadaǵalap otyrýy kerek», - dep habarlady qalalyq TJD baspasóz qyzmeti.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT