+7 (701) 759 90 19
USD 397.56 EUR 445.94
RUB 5.82 CNY 55.96
Jańalyqtar

TJ: Pavlodar oblysynda 1 sáýirden birqatar shekteýler engiziledi

2020 jylǵy 30 naýryz 23:48
Bólisińiz:
TJ: Pavlodar oblysynda 1 sáýirden birqatar shekteýler engiziledi

PAVLODAR. QazAqparat - Pavlodar oblysynda 1 sáýirden bastap qosymsha qaýipsizdik sharalary qolǵa alynady, dep habarlaıdy QazAqparat aımaq ákimdiginiń Telegram-paraqshasyna silteme jasap.

30 naýryz kúni tótenshe jaǵdaı jónindegi oblystyq shtabtyń kezekti otyrysy ótti. Onda Pavlodar oblysynyń aýmaǵynda koronavırýs ınfektsııasyn taratpaý maqsatynda epıdemııaǵa qarsy qoldanystaǵy sanıtarlyq, saqtyq sharalaryn kúsheıtý jáne qosymsha sharalardy qolǵa alý týraly sheshim qabyldandy.

Osylaısha, óńirdiń Bas sanıtarlyq dárigeri orynbasarynyń buıryǵyna sáıkes 2020 jylǵy 1 sáýir, saǵat 00:00-den bastap Pavlodar oblysynda tómendegideı sharalar qolǵa alynady: ⠀

1) oblys aýmaǵy boıynsha 9 blokpost qoıylady;

2) kez kelgen kólik quralymen shekaralas oblystarǵa/shekaralas oblystardan jolaýshylardy tasymaldaýǵa tyıym salynady;

3) oblys ishindegi eldimekender arasynda kez kelgen kólik túrimen jolaýshylardy tasymaldaýǵa tyıym salynady;

4) dıplomatııalyq qyzmetterdi, emdelýge baratyn adamdardy, azyq-túlik jáne azyq-túlikke jatpaıtyn taýarlar tıelgen tranzıttik júk kólikterdi (epıdemııaǵa qarsy dezınfektsııalaýdy jáne saqtyq sharalaryn qatań qadaǵalaı otyryp) qospaǵanda, Qazaqstan Respýblıkasynyń basqa óńirleriniń turǵyndary men basqa memleketterdiń azamattarynyń kirýine tyıym salynady;

5) 22.00-den keıin turǵyndardyń páterden, úıden shyǵýy shekteledi. Tek qana turyp jatqan jerine jaqyn dárihanalar men azyq-túlik dúkenderine, jumysqa jáne medıtsınalyq kómekke barýǵa ǵana ruqsat beriledi;

6) turǵyndardyń qoǵamdyq oryndarǵa, onyń ishinde jaǵalaýlarǵa, saıabaqtarǵa, alańdarǵa, oıyn jáne sport alańdaryna, sondaı-aq taǵy da basqa jerlerge barýy shekteledi;

7) epıdemııaǵa qarsy rejımge baılanysty qoǵamdyq kólikterde, adamdar kóp jınalatyn oryndarda, dúkenderde, saýda ortalyqtary men úılerde, turǵyn úılerde, aıaldamalarda jáne taǵy da basqa jerlerde dezınfektsııalaý jumystary kúsheıtiledi.

Atalǵan sharalar oblys turǵyndarynyń qaýipsizdigin qamtamasyz etýge baǵyttalǵan. Tótenshe jaǵdaı jónindegi oblystyq shtab turǵyndardan epıdemııaǵa qarsy engizilgen talaptardy túsinistikpen qabyldaýdy jáne olardy qatań saqtaýdy talap etedi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT