+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

TWESCO Túrkııanyń Respýblıka kúnine arnalǵan shara uıymdastyrdy

2020 jylǵy 29 qazan 23:32
Bólisińiz:
TWESCO Túrkııanyń Respýblıka kúnine arnalǵan shara uıymdastyrdy

NUR-SULTAN. QazAqparat - Búgin Halyqaralyq Túrki akademııasynyń (HTA) uıymdastyrýymen jáne ıÝnýs Emre atyndaǵy túrik mádenı ortalyǵynyń qoldaýymen Túrkııanyń Respýblıka kúnine oraı «Baıraǵy bıik baıtaq el» atty shara ótti, dep habarlaıdy QazAqparat.

Alqaly jıynǵa Halyqaralyq Túrki akademııasynyń prezıdenti Darhan Qydyráli, Túrkııa Respýblıkasynyń Qazaqstandaǵy Tótenshe jáne Ókiletti Elshisi Ýfýk Ekıjı, Qazaqstan halqy Assambleıasy Tóraǵasynyń orynbasary - QR Prezıdenti Ákimshiligi QHA Hatshylyǵynyń meńgerýshisi Janseıit Túımebaev, QR Syrtqy ister mınıstrligi Taıaý, Orta Shyǵys jáne Afrıka departamentiniń dırektory Erjan Muqash, Túrki keńesi Aqsaqaldar keńesiniń múshesi, memleket jáne qoǵam qaıratkeri Ádil Ahmetov, dıplomatııalyq mıssııa ókilderi, memleket jáne qoǵam qaıratkerleri, ǵalymdar, zııaly qaýym ókilderi men BAQ jetekshileri, sonymen qatar ıÝnýs Emre atyndaǵy túrik mádenı ortalyǵynyń tálimgerleri qatysty.

Basqosý barysynda HTA ázirlegen Atatúrik týraly derekti fılm kórsetildi. Sonymen qatar, Túrkııa Elshisi Ýfýk Ekıjı sóz sóılep, uıymdastyrýshylarǵa alǵysyn bildirdi. Budan keıin ıÝnýs Emre atyndaǵy túrik mádenı ortalyǵynyń tálimgerleri Muhammedııar Ankabaev pen Baqdaýlet Tashmanov kelgen qonaqtarǵa arnaıy túrik tilinde óleń oqydy. Oqýshylarǵa sharaǵa belsendi atsalysqany úshin HTA-nyń arnaı sertıfıkattary tabystaldy.

Sondaı-aq, Túrkııa respýblıkasynyń negizin qalaýshy Mustafa Atatúrik týraly kitap kórmesi uıymdastyryldy.

Aıta ketý kerek, osydan bir ǵasyrǵa jýyq ýaqyt buryn Anado­lyda ult kóshbasshysy Kemal Atatúrik bastaǵan shet el ınterventteriniń jaýlaýynan azat etýge baǵyttalǵan ult-azattyq kú­res jeńispen aıaqtaldy. Osylaısha, 1923 jyly 29 qazan kúni Túrkııanyń tuńǵysh prezıdenti Mustafa Túrkııa Respýblıkasyn jarııalady. Dástúr boıynsha merekelik sharalar eldiń bas qalasy Ankaradaǵy Atatúrik kesenesinde bastalady. Bul jerdegi sharanyń alǵashqy legi memleket jáne qoǵam qaıratkerleriniń qatysýymen ótip, Ult azattyq kúrestiń barlyq qaharmandaryn qurmetpen eske alady.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT