+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Tutynýshylar shaǵymyn sotqa jetkizbeı sheshý kerek – Baqyt Sultanov

2020 jylǵy 22 qyrkúıek 10:23
Bólisińiz:
Tutynýshylar shaǵymyn sotqa jetkizbeı sheshý kerek – Baqyt Sultanov

NUR-SULTAN. QazAqparat – QR Saýda jáne ıntegratsııa mınıstri Baqyt Sultanov tutynýshylar shaǵymyn qarastyrýdyń úsh jańa deńgeıin túsindirdi, , dep habarlaıdy QazAqparat tilshisi.

«Búgingi tańda Qazaqstandaǵy tutynýshylar sany 18,7 mıllıon adamdy quraıdy, olar kún saıyn 6 mıllıonnan asa taýarlar men qyzmetterdi satyp alý tranzaktsııalaryn júzege asyrady. Bıyl qazaqstandyq tutynýshylar bólshek saýda jelisi arqyly 6,8 trln teńgege taýar satyp alyp, 4 trln teńgege qyzmet aldy. Olardyń ishinde saýdanyń negizgi úlesi tamaq ónimderine, dári-dármekterge, turmystyq zattarǵa, jyljymaly jáne jyljymaıtyn múlik operatsııalaryna, demalys qyzmetterine tıesili», - dep atap ótti mınıstr Úkimet otyrysynda. Onyń aıtýynsha, tutynýshylardyń quqyqtaryn qorǵaýdyń memlekettik júıesine 19 ortalyq jáne 17 jergilikti atqarýshy organ kiredi. Jeke tulǵalarǵa memlekettik organdar bilim berý, densaýlyq saqtaý, veterınarııa, turǵyn úı-kommýnaldyq sharýashylyq, baılanys jáne t.b. salalardaǵy kvazımemlekettik sektor sýbektilerimen birge 574 qyzmet kórsetedi.

«Bul rette, júıeniń birde-bir qatysýshysy tutynýshynyń múddesine tolyq kóńil aýdarmaıdy. Sondyqtan, tutynýshylar quqyǵyn qorǵaý deńgeıiniń tómendigi, burmalanǵan statıstıka jáne «qaıtalanatyn qatelermen jumys isteýge» degen qyzyǵýshylyqtyń joqtyǵy baıqalady. Statıstıka tutynýshylardyń qanaǵattanbaýy únemi joǵary deńgeıde qalyp otyrǵanyn kórsetedi. Tutynýshylardy mazalaıtyn suraqtar jalpy jyldan-jylǵa qaıtalanyp otyrady, ásirese turǵyn úı-kommýnaldyq sharýashylyq, bólshek saýda, medıtsınalyq qyzmet jáne kólik salalarynda», - deıdi B. Sultanov.

2017 jyly memlekettik organdarǵa 23 myń, 2018 jyly 21 myńnan astam, al 2019 jyly 30 myńǵa jýyq ótinishter kelip túsken.

«Bıyl tek Tutynýshylardyń quqyqtaryn qorǵaý komıtetine 8 myńǵa jýyq azamat shaǵymdandy, al memlekettik organdar boıynsha tolyq statıstıka jyl sońynda jasalady. Búginde ótinishterdi jınaqtaý men taldaý «qolmen basqarý» rejıminde júrgiziletinin jáne memlekettik organdardyń jumysyn baǵalaıtyn jáne tolyq kórinisti kórsetetin avtomatızatsııa men jetkilikti maǵlumattyń joqtyǵyn atap ótkim keledi. Atalǵan birqatar máseleler bıylǵy shilde aıynda «Tutynýshylardyń quqyqtaryn qorǵaý týraly» Zańyna engizilgen túzetýler arqyly sheshiledi», - dedi mınıstr.

Zańdy ázirleý barysynda mınıstrlik aldyńǵy qatarly halyqaralyq tájirıbeni zerttegen. Tujyrymdamalyq negizge EYDU elderi tıimdi paıdalanatyn tutynýshylardyń quqyqtaryn qorǵaý ınstıtýtynyń aralas modeli alynǵan.

«Mysaly, Germanııa, Avstrııa, Japonııa jáne Lıtvada memleket «aqyldy» basqarýdy júrgizedi, al buzylǵan quqyqtardy qalpyna keltirýmen sotqa deıingi retteý ınstıtýttary aınalysady. Sondaı-aq, Germanııa, Reseı jáne Lıtvada Vedomstvoaralyq keńester qyzmet atqarady, onda tutynýshylardyń quqyqtaryn qorǵaý máseleleri talqylanady. Shaǵymdardy qarastyrýdyń úsh satyly júıesi engizildi. Birinshi deńgeıde satýshy tutynýshynyń talabyn «qazir jáne osynda» qaǵıdaty boıynsha jeke ózi qaraýǵa mindetti. Ózara kelisim boıynsha eki jaqqa daýlardy sotqa deıingi retteý sýbektilerine júginý múmkindigi berilgen», - dep túsindirdi B. Sultanov.

Tutynýshyǵa ekinshi deńgeıdi ótý mindetti talap emes, shaǵymdy ýákiletti organǵa jiberý qajettiligi týraly sheshimdi onyń ózi qabyldaıdy. Sońǵy deńgeıde – tutynýshynyń sotqa júginýi kózdelgen.

«Bizdiń ortaq mindetimiz – satýshy men qyzmet kórsetýshiniń daýlardy boldyrmaýǵa, al olar týyndaǵan kezde birinshi deńgeıde sheshilýine jaǵdaı jasaý. Sot júıesi osy baǵyttaǵy problemalarǵa tutynýshylyq kózqaraspen qarap, daýlardy tez arada sheshýge múddeli bolýy kerek», - dedi Baqyt Sultanov.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT