Túrkııanyń úsh provıntsııasynda jolaýshylar avtobýsy apatqa ushyrady
2022 jylǵy 24 qańtar 21:49

Túrkııanyń úsh provıntsııasynda jolaýshylar avtobýsy apatqa ushyrady

ANKARA. QazAqparat - Eldiń birqatar óńirlerinde aýa raıynyń qolaısyzdyǵyna baılanysty jol-kólik oqıǵalary jıilep, zardap shekkender tirkeldi, dep habarlaıdy QazAqparat tilshisi Túrkııanyń «TRThaber» basylymyna silteme jasap.

Túrkııanyń soltústik-batysynda jáne eldiń ortalyq bóliginde tórt kún boıy tolassyz jaýǵan qardan kommýnaldyq qyzmetter joldy tazalaýǵa úlgermeı jatyr. Tas joldar men qar úıindilerinde qalyp qoıǵan adamdar áli de bar.

Birden eldiń úsh provıntsııasynda – Ystanbul, Tokat jáne Amasııada qalaaralyq avtobýstar apatqa ushyrady. Keıbir málimetter boıynsha, 4 adam qaza taýyp, 48 adam jaraqat alǵan.

Tekırdagtan Antalııaǵa baǵyt alǵan jolaýshylar avtobýsynda 25 adam bolǵan. Qalyń jaýǵan qardan jol kórinbeı, kóktaıǵaqqa aınalǵan. Saldarynan kólik júrgizýshisi rýlge ıe bola almaı, joldan shyǵyp ketken. Oqıǵa saldarynan 18 adam zardap shegip, júrgizýshi men 2 jolaýshy oqıǵa ornynda qaza tapty.

Erzýrýmǵa bet alǵan qalaaralyq avtobýs Chalkara aýyly mańynda qalyń kóktaıǵaq saldarynan aýdarylyp qaldy. Alǵashqy málimetter boıynsha 1 adam qaza taýyp, 18 adam jaraqat alǵan.

Qazirgi ýaqytta barlyq óńirlik qyzmetter kúsheıtilgen rejımde jumys istep jatyr. Oqıǵa ornyna jedel járdem brıgadalary, órt sóndirýshiler jáne polıtsııa qyzmetkerleri kelip jatyr. Qutqarýshylar alǵashqy medıtsınalyq kómek kórsetip, adamdardy jaqyn mańdaǵy medıtsınalyq mekemelerge jetkizýde.

QR Túrkııadaǵy elshiliginiń málimetinshe, apat saldarynan qaza tapqandar men zardap shekkender arasynda Qazaqstan azamattary joq.

Aqjigit Shúkibaev


Avtor:
Tilshi

Jańalyqtar

MURAǴAT