Túrkııanyń batysynda 6,6 baldyq jer silkinisi boldy

IZMIR. Anadoly-QazAqparat – Túrkııanyń batysynda juma kúni magnıtýdasy 6,6 baldyq jer silkinisi boldy, dep habarlaıdy QazAqparat Anadoly agenttigine silteme jasap.

Túrkııa úkimeti janyndaǵy Tótenshe jaǵdaılardyń aldyn alý jáne joıý basqarmasynyń (AFAD) habarlaýynsha, jerasty dúmpýi jergilikti ýaqytpen 14.51-de, Izmır provıntsııasy Seferhısar aýdanyndaǵy Egeı teńiziniń jaǵalaýynda tirkelgen.

Zilzala oshaǵy - 16,5 shaqyrym tereńdikte.

Jer silkinisi 15 sekýndqa sozylyp, Túrkııanyń batysyndaǵy kóptegen provıntsııada sezilgen.

Túrkııa ІІM habarlaýynsha, zilzala saldarynan Izmır qalasynyń Bornova jáne Baırakly aýdandarynda alty turǵyn úı qıraǵan.

Zardap shekkender týraly habarlanǵan joq.