Túrkııanyń áskerı dronyna Qazaqstanda óndiriletin quraldar paıdalanylmaq
2022 jylǵy 15 tamyz 15:14

Túrkııanyń áskerı dronyna Qazaqstanda óndiriletin quraldar paıdalanylmaq

NUR-SULTAN. QazAqparat – Qazaqstanda óndiriletin túrkııalyq Anka-S áskerı dronynyń óndirisin uıymdastyrý týraly jańa derekter belgili boldy, dep habarlaıdy QazAqparat tilshisi.

«Qazaqstan Injınırıng» ulttyq kompanııasy» aktsıonerlik qoǵamynyń basqarma tóraǵasy Temirjan Ábdirahmanov QazAqparattyń resmı jaýabyna osyndaı málimet usyndy.

«Biz Turkish Aerospace kompanııasy men «Qazaqstan ınjınırıng» eki kompanııanyń biriniń bazasynda pılotsyz ushatyn apparat óndirý salasyndaǵy yntymaqtastyq týraly memorandýmǵa qol qoıdy. QR Qorǵanys mınıstrligi osy jyly alǵashqy Anka-S-ti alady. Jaqyn arada biz «iri torapty» qurastyrýdy júzege asyramyz. Odan ári Qorǵanys mınıstrligi qarý jaraqty paıdalanýǵa engizý maqsatynda synaqtar ótkizedi. Sonymen qatar biz bir ýaqytta óndiris ornyn qurýmen aınalysyp jatyrmyz», - deıdi komapnııa basshysy.

Degenmen, Temirjan Ábdirahmanov atalǵan óndiris oshaǵy dál qaı óńirde, qandaı zaýyt bazasynda ornyǵatyny áli naqtylanbaǵanyn málim etti.

«Biz kompozıttik materıaldar óndirisin quramyz. Oǵan qazaqstandyq kabelder paıdalanylady. Sondaı-aq biz qurastyrýdy, tehnıkalyq súıemeldeýdi, borttyq jabdyqty jóndeýdi rettestiremiz. Biz óz optıkamyzdy jasaýǵa kirisip kettik. Biz optıkaǵa nazar aýdarǵymyz keledi. Ony túriktiń «Aselsan» – «Kazakhstan Aselsan Engineering» kompanııasymen birlesken kásiporynda oqshaýlaýdy (lokalızatsııa – red.) josparlap otyrmyz. Sonymen qatar qarjylandyrý máseleleri anyqtalýda. Joba 2030 jylǵa deıin eseptelgen. Men «Turkish Aerospace» basshylyǵymen shilde jáne tamyz aılarynda kezdestim. Olar Qazaqstan úshin tolyǵymen ashyq. Biz olar Anka-S tehnologııasyn usynǵan alǵashqy elmiz», - deıdi ulttyq kompanııanyń basqarma tóraǵasy.

Aıta keteıik, buǵan deıin Qorǵanys mınıstrligi túrkııalyq brondy tehnıkany satyp alý úshin synaqtan ótkizetinin habarlaǵan bolatyn. https://www.inform.kz/qz/korganys-ministrligi-turkiyanyn-brondy-tehnikasyn-synaktan-otkizbek_a3962905


Foto: aa.com.tr


Uqsas jańalyqtar
Seriktester jańalyqtary

Jańalyqtar

Úrdis

MURAǴAT