+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Túrkııanyń Alanııa qalasynda Abaı saıabaǵy ashyldy

2021 jylǵy 15 maýsym 09:56
Bólisińiz:
Túrkııanyń Alanııa qalasynda Abaı saıabaǵy ashyldy

NUR-SULTAN. QazAqparat – Túrkııanyń Alanııa qalasyndaǵy saıabaqqa qazaqtyń uly aqyny ári oıshyly Abaı Qunanbaıulynyń esimi berilip, eskertkishi boı kóterdi, dep habarlaıdy QR SІM baspasóz qyzmeti.

Abaıdyń 175 jyldyǵyna oraılastyrylǵan shara QR Túrkııadaǵy Elshiligi, QR Antalııa Konsýldyǵy, Alanııa mýnıtsıpalıteti men Alanııadaǵy qazaqstandyqtar qaýymdastyǵynyń uıytqysymen ótti.

Saltanatty rásimge QR Túrkııadaǵy Elshisi Abzal Saparbekuly, Alanııa mýnıtsıpalıteti basshysy Adem Mýrat ıÝjel, QR Antalııadaǵy konsýly Máýlen Ybyraıkulov, Qazaqstannyń Alanııadaǵy qurmetti konsýly Ahmet Djebejı, qala turǵyndary men qonaqtary qatysty.

Sharanyń shymyldyǵyn túrgen Elshi Abaıdyń 175 jyldyǵyna demeý bolyp, saıabaqtyń ashylýyna qoldaý kórsetken Túrkııa eline alǵysyn bildirip, osy tekti sharalardyń eki el arasyndaǵy baılanystardy odan ári nyǵaıýyna septigin tıgizetine senim bildirdi.

«Rýhanııatymyzdyń temirqazyǵy, ulttyq bolmysymyzdyń aınasy sanalatyn uly oıshyl murasynyń baýyrlas Túrkııada erekshe dáriptelip jatqany – biz úshin úlken qýanysh» dedi Elshi. Memleket basshysy Qasym – Jomart Kemeluly Toqaev «Abaı jáne HHІ ǵasyrdaǵy Qazaqstan» atty maqalasyndaǵy «Qazir aıtyp júrgen ıntellektýaldy ult qalyptastyrý ıdeıasy Abaıdan bastaý aldy deýge bolady. Uly oıshyl ár sózimen ulttyń óresin ósirýdi kózdedi», – degen sózderine toqtala kele, «Abaı atamyzdyń artynan qaldyrǵan ósıet – ónegesin túsinip, uǵyna alsaq, halqymyzdyń jáne jalpy adamzattyń órkendeýi jolynda ólsheýsiz úles qosatynymyz sózsiz» dep qosty.

Óz kezeginde, júrekjardy tilekterin bildirgen Alanııa mýnıtsıpalıteti basshysy Adem Mýrat ıÝjel, «qala ortalyǵyndaǵy saıabaqqa Abaı Qunanbaıulynyń esimin berilýi – qazaq jáne túrik halyqtarynyń rýhanı ári mádenı jaqyndyǵynyń kezekti dáleli» deı kele, qazaqtyń uly oıshylynyń esimi Alanııa tarıhynda máńgi saqtalatynyna nazar aýdardy.

Al, QR Qurmetti konsýly Ahmet Djebejı Alanııa turǵyndary men qonaqtary saıabaq arqyly Abaıdy tanýyna túrtki bolatynyna zor senimin jetkizdi.

Shara Antalııa, Alanııa qalalarynda ómir súretin otandastarymyzdyń uıymdastyrǵan kontserttik baǵdarlamasymen jalǵasty. Gúlnur Ermanova men balalar horynyń oryndaýynda «Kózimniń qarasy», Nurlan Ótepovtyń oryndaýynda Abaı Qunanabaevtyń «Segiz aıaq», Gúlnur Ermanovanyń jeke oryndaýynda «Aıttym sálem, Qalamqas» ánderi shyrqalyp, aqynnyń óleńderi oqyldy. Myń buralǵan qazaq qyzdary «Qamajaı» bıin bılep, kórermenge tań qaldyrdy.

Aıta ketken jón, Alanııa saıabaǵynda boı kótergen aqyn eskertkishiniń avtory – Nurlan Ahmetov. Atalmysh shara, 2020 jylǵa josparlanǵan. Degenmen, COVID-19 pandemııasy saldarynan keıinge shegerilgen bolatyn.

Buǵan deıin Antalııanyń Mýratpasha aýdanynda da Abaı saıabaǵy ashylǵan bolatyn.

Abaı atyndaǵy saıabaqtyń ashylýymen Túrkııanyń Syrtqy ister mınıstri Mevlıýt Chavýshoglý, Іshki ister mınıstri Cúleımen Soılý, Ulttyq qozǵalys partııasy tóraǵasy Devlet Bahchelı jáne birqatar ózge de laýazymdy tulǵalardan quttyqtaý jedel hattary kelip túsken.



Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT